عبير كزبور: من حقنا أن نكون معكم في فرحكم كما وقفنا بجانبكم وقت الصعاب

مها فطوم

عبير كزبور كاتبة ومصورة لبنانية مقيمة في دولة الإمارات وهي ضيفتنا الأولى في سلسلة حب وعلاقات ضمن بودكاست صارت معي التي نستعرض فيها قصص وتجارب ومفاهيم وانطباعات مختلفة ومتنوعة عن الحب والعلاقات. تخبرنا عبير تجربتها الشخصية ومواقف وأحداث شكلت لديها مفهومها الخاص عن الحب والعلاقات. إعداد وتقديم: مها فطوم

تابعوا البرنامج على تطبيقات البودكاست

“من حقنا أن نكون معكم في فرحكم كما وقفنا بجانبكم وقت الصعاب”

راديو الآن | دبي- الإمارات العربية المتحدة

ما المفهوم الخاص عن الحب لدى عبير؟

لماذا لا تريد أن تصبح أماً؟

ما مواضيع الكتب التي نشرتها؟

عبير كزبور كاتبة ومصورة لبنانية مقيمة في دولة الإمارات العربية المتحدة وهي ضيفتنا الأولى في سلسلة حب وعلاقات ضمن بودكاست صارت معي التي نستعرض فيها قصص وتجارب ومفاهيم وانطباعات مختلفة ومتنوعة عن الحب والعلاقات.
تخبرنا عبير تجربتها الشخصية ومواقف وأحداث شكلت لديها مفهومها الخاص عن الحب والعلاقات.

إعداد وتقديم: مها فطوم
الإخراج الصوتي: جو الحاج
الهوية البصرية من تصميم مديحة طه
الإشراف العام: محمد علي

 

نص الحلقة :

صارت معي مع " مها فطوم " بودكاست راديو الأن
عبير :"في مرة من المرات في واحدة قالتلي بعطيكي حبة علشان تروقي مرات انتي بتحسي حالك انه خلاص انه ما انك معنا لأنه في ناس انتي عطيتيهم عطيتهم عطيتهم وما ردولك في ناس بيمدوا من جنبك وفي ناس بتمر من خلالك وبتستقر جواتك
مها :" اسمعوا قصة عبير كسبور كاتبة ومصورة لبنانية مقيمة في دولة الإمارات عبير ضيفتنا الأولي في سلسلة حب وعلاقات ضمن بودكاست صارت معي حبينا بالحديث عن الحب والعلاقات من وجهات نظر مختلفة وتجارب متنوعة نختم سنه 2022 ونبدأ سنة 2023 وبناء علي تصويتكم في السوشيال ميديا أيضا بهالمناسبة وبما أنه حلقة عبير هتكون الحلقة الأخيرة في سنه 2022 حابة اشكركم من كل قلبي علي حبكم واستماعكم لبودكاست صارت معي ياللي كبير وصار أكبر من 140 حلقة ومستمرين ان شاء الله بإقتراحاتكم وأفكاركم أما هلا رح أترككم مع تجربة عبير ومفهومها عن الحب ۔"

عبير :"إن جينرال يعني ربنا خلقنا ذكر وأنثي فالناس بتفكر ذكر وانثي لازم يكون في عندهم حب وزواج وأولاد بالنسبة لإلي ربنا خلقنا في شئ اسمه روح خلق الجسد قبل ما يخلق الذكر والأنثي وهذا الجسد خلق فيه روح ونفخ من روحه فهذا الروح هي من الرحمن يقبضها متي يشاء وفتحها متي يشاء فمرات أنتي بتلتقي بأشخاص بتحسي حالك بتعرفيهم بس انتي أول مره تشوفيهم بتحسي بيمروا من جنبك وفي ناس بتمر من خلالك وبتستقر جواتك لكن قد ماروحتي وجيتي بيضل في ذكري معينه من هدول الناس علقت فيكي ورسخت فيكي بس انتي ما بتعرفي ليش هذا السبب من عند الله هذا بيسموه حب الروح مش حب الجسد لحتي يلتقوا مع بعض فبالنسبة لإلي أنا مريت بتجربة وأنا بحس أنه هذا الشئ اللي كان فيني مع الشخص الأخر هو حب روحي حب عطاء يعني مش حب تملك مش حب إنك تضلك مع الشخص طول عمرك ما شرط أنك تشوفيه كل م يوم يمكن ما شرط انك تشوفه ابدا ولا تلزقي فيه يمكن اجت فترة كان في سبب انكم تلتقوا لفترة معينة وهذه الفترة خلصت بس هي مستمرة جواتي عم تستمدي طاقتك وحياتك من جواته مثل الشمس والأرض إذا اقتربوا كتير مع بعض ممكن يدمروا ممكن تروح البشرية كليتها نحن بحاجه للشمس وبحاجة للضوء وبحاجة للحرارة لكن بقدر ببعد معين ما في داعي نحن كل شئ بحاجه لإله نقرب منه كتير ولا نبعد عنه كتير في مسافة فاصلهبتخليكي لحتي تستمري بالحياة ولاكن بالنسبة لإلي ما شرط تكون معكي ملزقة فيكي فإذا الحب بالنسبة لعبير هو العطاء بدون سبب مو متل الحياة يعني في حياة جواتنا مش الحياة اللي بنعيشها قدام العالم مش الحياة اللي الواحد بياكل ويشرب وينام لا في حياة جواتك بتخلق وبتكبر وتستمر بس بقدر ۔

مها :" طيب هذا تفكيرك أنتي بالقصة في طرف تاني هيك تفكيرة كمان ؟"
عبير :" بعتقد إيه "
مها :"بتعتقدي؟"
عبير :" ايه "
مها :" اتناقشتوا بهالموضوع ؟ "

عبير :" بدون ما نتناقش هلأ قولتلك مرات أنتي بتحسي أنه هذا الشخص عم يفهمك بدون ما تحكي هذا الشخص حتي لو هو بعيد وانتوا مش عم تلتقوا أنتي بتحسي بوقت معين عم تحسي بشئ من جوا عم يصير معه يعني مثلا تحلمي بشغله تاني يوم بتشوفي اني هذه الشغله صايره معه انا ما احكي تفاصيل ممله لأن الناس ما خصن بالخصوصية الكتيره يعني التفاصيل ولكن أنا عم بحكي عن الأرواح أوك يعني كيف انتي تحبي شخص لمجرد الحب لمجرد انك تعيشي هاي الحاله حاله تكوني سعيده لأجل شخص عم بيكون هو سعيد فإذا الحب الداخلي هو طاغي أكتر عن الحب الجسدي وحب الجواز اللي هو العادي البيت والسكن والعرس والأبيض والفرح عرفتي كيف ۔"
مها :" طيب أنتي قولتي ما راح دخل الناس بكتير تفاصيل وقصص بتثبت هادا الشئ لكن ما بيمنع تعطينا مثال يعني عن القصص اللي بتأثبت هذا تلاقي الأرواح وتخاطبها عن بعد حتي "

عبير :"في شخص أنا اتعرفت عليه فترة معينه هو بالنسبة لإلي يعني تعرفت علي ناس كتير قبله وبعده بس متل هذا الشخص أنا ما شوفت يعني مجرد أنه هو الشخص هذا موجود بيعطيكي حيويه بيعطيكي انيرجي أنك تستمري بالحياة بيعطيكي سعادة فمرة من المرات كنت طالعة من الشارقة لدبي لأبوظبي فنمت شوية حلمت حلم فجأة فقت قولت صاير معه شئ لهذا الشخص بس شو هادا الشئ ما بعرف فضلتني نكش يعني لحد ما عرفت أخر شئ اتصلت فيه يعني ما عاد فيني اتحمل لأني عرفت صار معه شغله كتير كبيرة أنا هيك حسيت وقولت لازم اتصل فيه حتي لو نحن ما بنحكي مع بعض علي الأقل اطمن وعم اكتشف أنه في حدا من قرايبينه المقرب كتير صاير معه ظرف صحي كتير خطير اتجاوز هاي الفترة قولت سبحان الله معقول لها الدرجة الواحد بيحس بالشخص مش بس بالشخص بقرايين الشخص عرفتي كيف وأشياء كتير صارت كيف بدي قلك بتحسي بالشخص لما يكون مضايق من حركته هلا هو دايما الشخص دايما يحاول يبين للعالم أنه هو القوي ما بتفرق معه لما كنا بنضحك مثلا بموسيقس معينه أو كلمه معينه أو خاطرة معينه بيضايق علي شئ معين فأنتي بتفهمي بدون ما يحكي۔
مها :" تمام طيب احكيلنا قصتك ما هذا الإنسان ليش هلآ مثلا ما عم تحكوا "
عبير:" لأنه خلاص خلصت القصة خلصت القصة هون كان هو فيه هدف أو فيه سبب قولتلك أنه الشمس لما تعطيكي ضو لحتي تكبري وترعرعي وتأثمري لما تأثمري هذا الضو اللي عم تعطيه ممكن يروح لحدا غيرك ما ضل يرجعلك انتي كضو يمكن تكوني انتي الضو وانتي النور لشخص معين بس هذا الشخص المعين ما في داعي يعطيكي لثمار لأنك ما نك بحاجة للثمار وأنتي ما انك بحاجة للظل أنتي عم تعطي من روحك فهو عم يعطي من روحه فهيدا التكامل بيكون لحتي تستمر الحياة۔"
مها :"بقصتكم انتي واياه انتي الشمس ؟"
عبير :" ايه "

مها :" يعني ليش انا حابه اعرف ليش ما كملت القصه ؟ "

عبير :" أوك أنا من يومين كتبت شغلة كنت أنا عم فكر بنفس الطريقة يعني بضل أنا بفكر في نفس الشئ ليش هذا الشخص بضل معلق جواتي أو بالأحري ليش احنا دايما بنعطي وما بنلاقي تقدير للي بنعطية فطلعت شغله هيك براسي أنه نحن مثل الحائط اللي الولد الصغير بيستند عليه لحتي يقدر يحمي حاله أو ما يخطي الطفل بيستند علي شئ صح ولا لا شوي شوي بيتركه وبيركض لبعيد مابيرجع لنفس الحيط فأنتي ربنا عم يخلقق لتكوني سند لغيرك هلا ما كله قياس نفس الشئ ولكن أنا وصلت لقناعة بيني وبين نفسي علي الأقل حتي يمكن أعطي استمرارية لحياتي أنه أنا اجت فترة صار عندي إكتئاب سنة 22 أنا حسيت حالي ما عملت فيها شئ كان عندي من بداية السنه صار عندي كرونا ب 7-1 كان عندي عيدميلادي كمان هلأ شويه عمك فك هلا شوية عم فكك من الإكتئاب طلع عندي في نقص فيتامين د كمان وطلع في عندي اسباب صحية بس مرات بتحسي حالك خلاص انتي ما الك معني لأنه أنتي في ناس عطيتلها عطيتلها وما ردولك العطاء أو ما ردولك التقدير بس في تفسير لهيدا القصص ليش ما بتصير وأنا اكتشفت في دراسة ببريطنيا الزوجات اللي بيقفوا حد ازواجهن مش احبائهن اللي بيساعدوهن وبيعطوهن وبيكونوا سند لإلهن الزوج لما يقوي بيترك هيدي الزوجة ليه لأنه حسب الدراسة الرجل دايما بيحب حاله بيكون يكون الأقوي والأحسن فدايما لما يكون امرأه قوية الرجل بيتذكر ضعفه فهايدي الشغله هي نفسيه عند الرجل والمرأه انه نحن ما فينا نغير المعاني الا اذا كان هذا الرجل بيبحه كتير لهاي المرأه فا في حب للزواج وفي حب حب للصداقة فهاي النقطه اللي أنا بدي ركز فيها هي حب الأصدقاء نحن بالعالم العرب للأسف ما بنعترف بالصديق خاصة بين الرجل والمرأة فنحن هلا صيرنا بزمن أنه ما بقي في أصدقاء حقيقين حب الصديق الحقيقي أو الخليل الوفي هي من مستحبات الفكرات اللي ذكرت بالحياة أنه الخل الوفي أو الصديق الوفي هي مانه موجودة بس نحن بنحاول أنه نكون إحنا أوفياء علي الاقل لأنفسنا يعني أنا حتي بساعدك مش لحتي أخد منك لا الفرق أنا بساعدك لأنه أنا حابه هذا الشئ لأنه أنا حاسه انك بتستاهلي هذا العطاء مافي داعي أنه أكون أنا كمان بدي أخد وأعطي وأخد وأعطي فهادي نقطة أنه نحب أشخاص بدون سبب هاي شغلة نادرة أنه هيدا بعتقد هو حب كان بالنسبة لإلي اسمي مراتب الحب انك انتي تعطي بدون هدف ۔

مها :" طيب عبير امته هيك اتشكل وعيك علي الحب وشو كان أفكارك الأولي عنه بأي عمر وكيف كان مفهوم بالنسبة لإليك قبل ماتوصلي للمفاهيم هاي اللي نتيجة تجارب ۔"

عبير :" أول حب حسيته بحياتي كان عمري يمكن 5 سنين كان ابن جيرانا شكله حلو وكنت حب شخصيته بعمر ال 10 سنين هو اتوفي بحادث سيارة فصارت عندي أنا بالنسبة لإلي السيارة هي سبب الموت والقتل أنا بطلت سوق لحد هلأ وهلا طلعت أخر كتاب لإلي اسمه " أفصح طريق سائق هناك " بحكي عن الفوبيا وفوبيا السيارات وكيف الواحد يتخطي الفوبيا يمكن أنا شخصيتي شوي هي عاطفية نعم أنا بشوف الأشياء من منفذ التانيه مش من صفة عاديه يعني أنا بتستغربي يعني يمكن كل البنات بالدنيا بيحلموا انه يكونوا أمهات أنا بالنسبة لإلي ما بحب أكون أم يعني مانو هدف لإلي أجيب ولد ويقولي ماما أنا هادي النقط بالنسبة لعبير أنا اللي قاعدة قدامك ما بتهمني بس أنا بتعامل مع الناس كليتها متل كأنن هن شو قطعة مني اذا حسيت شخص مثلا بيستاهل أنه أعطيه شئ بعطيه بدون ما يسأل سواء كان شب كان بنت كان قطة مثلا بالطريق ما في عندي مشكله أنا بالنسبة الي المشاعر هي هدية من عند ربنا لحتي تسهل الحياة ۔"

مها :" أوكي عبير شو سبب الإكتئاب اللي صابك من بداية السنة لليوم وهل اتوجهتي لمختص لتتخلصي منه أو تجربي تعالجية ؟"

عبير :" ايه من يومين روحت عند دكتور نفسي بس طلع سبب الإكتئاب تخيلي شو ؟"
مها :" شو؟"

عبير :" نقص فيتامين د فأنا بعطي نصيحة للناس من خلالك ومن خلال هادا المنبر أنه أول ما يحسوا حالن عندن كسل وخمول وعدم شغف وعدم حب لأي شئ يروحوا يعملوا فحص فيتامين د لأنه بس ينقص عن حدا عن جد بيعمل دمار نفسي وإحنا بنفكر أنه بالسفر والطلعة والرايحة الواحد بيغير نفسيته بس طلع في أشياء بتخص تركيبة الانسان ذات نفسة يعني هي اللي بتتحكم فيه يعني العوامل الخارجية كمان بتأثر بس في عوامل داخلية نحن كتير بنتجاهلها يعني أنا أخر كتاب كتبتة عن السيارات بنقول نحن بنروح نفحص السيارة علي أي شئ نحن بنحسه في خلل يعني مثلا تحسي الميزانية السيارة فيها خلل دوغري بتاخديها علي الميكانيسيان لحتي يشوف شو مشكلتها أما جسمك أنتي كإنسان بتكوني عم تمري بألف ويله كل يوم بل بتكوني عم تكابري علي حالك ونحن بنفكر أنه الواحد يروح يعمل فحص أو أنه يروح يزور طبيب نفسي خاصة طبيب نفسي أنه هيدي كتير كبيرة يعني نحن بعد كمجتمعات عربية بتأثر كتير فينا أنا بالنسبة لإلي بقول لكل الناس أي واحد بيحس حالة عنده مشكله يروح يشوف شو هي يعني ما ينطر ما في شئ هيجي هيك من السماء يفتحلك الباب ويقلك شوبيك لبيك أنا هغيرلك حياتك في مسلسل زمان كنا عم نحضره اسمه صاحب الظل الطويل " جودي أبوت "

مها :" معروف ايه طبعا "

عبير :" طبعا هذا المسلسل أنا كتير بيمثلني لأنه البنت البطلة كانت تكتب وكان في شخصيه هيك تيجي لعندها وكذا فنحن يمكن هذا الجيل كتير بنتعلق بهاي القصص وخاصة كمان مسلسل سالي ومسلسلات الطفولة اللي كنا نحضرهن علي ايمنا دايما يحسسن أنه في حدا بيجي يغيرلك حياتك بدنا نضل نحن ناطرين هادا الحدا اللي بدوا يجي بس هادا الحدا جواتنا صاحب الجل الطويل هو اديكي اللي هيرفعوكي بعد كل سقوط عم تمري فيه صاحب الظل الطويل هو انتي وقوتك وثقتك بنفسك قديش انتي هتطلعي بالمراية وهتكوني متقبلة حالك بكل شئ انتي فيه سواء كان تجاعيد سواء كان شيب أبيض سواء كان حجم ممكن تكون مثلا نصاحه أنا بالنسبة لإلي لما كنت صغيرة كان عندي عقدة لما شوف حدا اضعف مني لازم أعمل رجيم لما أشوف حدا ناصح كمان بعمل رجيم علشان ما اصير متله هلا أنا ناصحة يعتبر هلا حاليا بالوقت الحالي فصيرت أقول لا ما في شئ أنه نحن نتقبل يعني أنا هلا جاي علي بالي أكتر كتير حلويات وسكريات لأنه هادا الشئ بيعطيني سعادة فمافي مشكله اعطي حالي شوية ريست يعني انا سنة 22 كانت هادية عم عيشها لإلي أنا كنت دايما قول أنا بدي كون البطله وأنا بدي كون الإنسانه اللي ما فارقة معها لا مثلا بمعرض الكتاب بأبوظبي كنت ماشية في حدا شافني قالي شو عم تعملي هون عندك شئ جديد قولتله لا قالي معقول قولتله ايه ما عندي شئ فهاي الكلمة لحالها انه انتي هلا ما عم بتعملي شئ انتي عم تعيشي لنفسك فهذا انجاز فأنتي تحبي حالك أول شئ لحتي تقدري تحبي الناس متل ما هن لما تحب شخص تقبليه بكل عيوبه لما تقولي أنا بدي حبه وبعدين تقولي أنا بدي غيره مثلا للناس اللي بدها تتجوز في ناس مهما تحب شخص بس في عيوب مثلا تقولك اوكي انا بعدين بدي غيره انا بعدين بدي خليه عمل هيك طيب لا اتقبليه متل ماهو لحتي تعرفوا تستمروا بحياتكن علشان ما تبلش المشاكل بعدين احنا دايما بس فترة التعارف في البداية بتكون في كتير مجمالات علشان هيك بيكون الواحد كتير بيحب بيحب بشغف بس بعدين بيصير شو هو بيمل بيمل من المجاملة نفسها فبتبلش المشاكل بيبلش الفتور بيبلش البعد فأنتي اذا ما كسرتي هيدا البعد البعد هيضلوا طويل ما هيرجع وهيدي القصة اللي صارت معي انه نحن كان في عندنا عناد وصار في عندنا مين بدوا يرجع للتاني قبل ومين بدوا يحكي مع التاني قبل والقصة طولت كتير ولما رجعنا رجع الشغف بس خلاص انتهت هونيك في فترات اذا ما استغليتي الوقت المناسب حتي لو جيتي بعدين خلاص ما بيقعد فيها ليها قيمة أصلا الرجعة ۔"

مها :" ممكن حدا يجي يقول بس نحن عم نحكي مثيليات يا عبير الحب الروحي أكيد جميل لطيف ونحن بحاجته كليتنا بس كمان علاقة الإجساد مع بعضها بحاجه للإنسان كيف بتدعي هاي النقطة ؟"
عبير :" لما الله يقدر يعني من يشاء أنه هادول الأشخاص يلتقون مع بعضن تحت نطاق هاي بتكون الحب تكامل هلا بتلاقي مثلا في ناس كتير متجوزين وبيتخانقوا كتير بس هنن عايشين ومبسوطين لأنن خلاص متعودين علي المشاكل وعلي كل شئ فتزوجوا في ناس بتتزوج بدون حب بس مع العشرة بيصير في ألفة فربنا هو اللي بيخلق السكن والسكينة جوتنا لحتني نقدر نتقبل الشخص الأخر معنا فنحن إذا ربنا شاء أنه هيدا الحب الروحي يكون في معه لقاء جسدي هادا بيكون قمة من عند ربنا هدية من عند ربنا طبعا لازم رحم الواحد يحافظ عليه طبعا هلا أنا يمكن احكيتك عن الشئ اللي انا كتير متأثرة في والناس ما بتحس فيه بس طبعا أكيد الحب اللي يطور بالزواج متوج ببيت وسكن وولاد وعيله طبعا هادا الشئ قمة وبالعكس أنا بتمني لكل شاب وصبية بيحبوا بعضن أنه يسعوا لحتي يحققوا هيدا الهدف السامي وأنن يعملوا عيله مع بعض ويقدروا يحافظوا علي هيدا العيلة ۔"

مها :" طيب أنتي شو جذور أسبابك أنه أنتي ما بدك تكوني أم ؟"

عبير :" أنا متل ما قولتلك هلا يمكن بحس أنه وظيفةة الأم هي وظيفة كتير سامية وأنا شخصية يمكن ما بعرف كون أم أنا يمكن بعرف أعطي الناس كليتها بشخص عام بس يمكن لما بكون أم لولد لإلي أنا يمكن هكون كتير أنانية معه يعني أنا هلأ مؤخرا عندي بوسينه بالبيت بحبها كتير فههلا صيرت حس أنه لو عندي ولد كيف هيكون مشاعري تجاهة هتكون كتير فياضة فيمكن ربنا هو عطاني هذا الشئ براسي أنه أنا ما كتير اهتم بهذا الموضوع لأنه يمكن كان هيدمرني في شئ اسمه شعورالأمومة المفرطة أنه أنا في واحدة من رفقاتي بلبنان صار عندها بيبي بتخاف عليه بشكل ما طبيعي بقولها أنه عادي بتقولي لا هادا ابني انه أنا عندي الأمومة المفرطة بقولها أنه السعادة هيخلق ويربي وعادي يعني فطلع بالفعل أنه في شئ اسمه أمومه مفرطه لدرجة أنه واحدة من رفقاتي عندها ولد واحد مستحيل تفكر تجيبله أخ لأنه هي مافيها توزع هادا الحب لأكتر من ولد تخيلي لوين فبعتقد أنا نفس الشئ بعتقد أنه أنا الحب اللي عندي للعطاء للناس بشكل عام لأنه أنا بحب أعطي كتير بحب أسمع كتير يعني يمكن العالم كانت تحبني وتحب تقعد معي من قبل هلا لا لأنه أنا بطلت اسمع حدا لأنه أنا تعبت من كتر ما سمعت الناس وأنك يعني تعطي وقت الوقت إله قيمه فأنتي لما تعطي وقتك لناس تسمعي مشاكلهن وتحليلهن اياها هادا بياخد من وقتك فهلأ أنا ما بسمع حدا هلأ صار وقتي أنه أنا احكي فهلا الحب الحقيقي أنه الناس تقد قد ما فيها أنه تتحمل بعضها علي القصور اللي عندها أنا ما بدي حب الشخص علي قد ما بيعطي لا أنا بدي حب الشخص علي قد ما انه قادر يعطي علي قد ما عنده ضعف وقصور لحتي نقدر نستمر يعني احنا هلا مرأنا بفترة كتير صعبة علي العالم كبار وصغار وهي فترة كرونا العالم كلياتة كان عنده نفس المشاعر نفس الخوف نفس الترقب نفس القلق فنحن بحاجة هلا مش بس للحب نحن هلا بحاجة للحنان للعاطفة للإحتواء لحتي نقدر نتحمل بعض الكلمة الواحدة ممكن تحيي انسان قدامك من دون ما تعرفي ، ممكن تقوليله شكرا ، كلمة شكرا في حد ذاتها اذا قولتيلها لعامل نظافة بالطريق يمكن تخليه يبتسم فنحنا هلا ممكن عم نمرق باصعب اوقات الكوكب كلياته ، الكل تعبان ، الكل نفسيته مجروحة ، الكل عنده نقص ، بس مين بده يكمل التاني ، لازم كلياتنا نقدر نحب اول شي حالنا متل ما نحنا ، كتير ناس عندهم مشاكل مادية عندهم مشاكل عائلية ، كتير ناس سافرت عندنا بلبنان بعد الانفجار ما صار انا ما كنت حاضره هنيك بس انا بحس الانفجار الي صار في جزء من شظايا الانفجار اجت واستقرت جوات قلبي ، بدال في شي انكسر جواتي بسبب هذا الانفجار ، فنحنا قديش فينا نتحمل هيدا الوجع ونقدر نخفف على غيرنا ونحس بغيرنا فالحب انا يعني كتير بحب الحب انه بس الحب مش بس انه راح نختصره برجل وامرأه بحب وزواج واولاد ، حب انه سوري يعني على الفراش وتحت سقف واحد ورومانسية وشراسة الحب بالنسبة الي انه تقدري انتي تتحملي العالم كله الي حواليكي بهاي الفوضى الي فيه وتقدري تستمري بابتسامة وتفاؤل "
مها : " طيب ومين بده يتحمل عبير ويكون محتويها وعم بيحن عليها ويحبها "

عبير : " شوفي راح اقولك شغلة هيدا عنجد صارت معي قبل كورونا بشوي اجت فترة كنت كتير اتعصب ، استفز مش اعصب لدرجة مرة من المرات في واحدة قالتلي خدي اعطيكي حبه علشان تروقي فانا اخدت الحبة وكبيتها ، اوك فهي صارت تتعامل معي على اساس انه انا اخدت الحبة الي بتروق فما بعرف شوو كانت هي اصلا فقالت كيف حاسه ، فقولتلها الحبه اوف عملتلي مزاج مش طبيعي فصارت تحكي معي انه انا واخده الحبه وانا مروقة بسبب هاي الحبة الي انا اصلا ما بعرف شو هي فتاتي يوم تتصل في تقولي شو كيف الحبة كانت معك قولتلها والله تمام قالتلي كيف تمام وانا شوفتها بالباب لانه كانت بالسيارة فانا كبيتها فهي لزقت بالباب قالتلي بتتضحكي علي وتقوليلي انك اخدتيها قولتلها طيب انتي اخده فكرة انه انتي لازم تاخدي حبوب لحتى تروقي فانا اصلا ما اخدتها انتي تعاملتي معي برواق فاذا المشكلة مش فيا المشكلة فيكي انتي صح ولا لا ، في ناس بتفكر انه اذا انتي كنتي معصبة من شي انه هيدا شخصيتك لا يمكن انتي عملتي تصرف هو انا ما عجبني يعني مثلا انا ما بحب اللون الاخضر وانتي بتلبسي الاخضر كل ما تشوفيني فانتي بتسفزيني ففي فترة من الفترات في كتير ناس بعدت عني فانا صرت أقول ليش اغلب العالم قلت يمكن لأنه انا عم عصب طيب قولت انا لو بعدت عن هادول العالم خفت عصبيتي ، هادول العالم الي انا كنت عم عاشرهم الي كنت مفكره انهم بيحبوني طلعوا ما بيحبوني هم بيستغلوني هم كانوا عم بيمشوا معي لأهداف لاني انا بصور وبعمل وبسوي انا كتير بساعد انا ممكن اصورك بدون مقابل بالخبرات الي عندي اياها بعطيكي اياها ممكن اوصلك في كتير ناس مريضة من جوا ما بتعرف انك عم تعطيها لانك عم تعطيها لانك انتي بتحبي تعطي بتفكر انتي عم تعطيها لانك انتي عندك هدف تاني بدك تاخديه بعدين بالمقابل فبنرجع بنقول ان الحب الحقيقي بالحياة هو شو ديمومة الحياة انك انتي تحبي الحب لمشاعر الحب ، مشاعر العطاء مشاعر السعادة انه انتي لما تشوفي واحد ناجح تفرحي من جواتك انه انتي لما تشوفي حدا بحاجة انه انتي تساعديه وقادرة انه تساعديه ما تقولي لا ما يكون عندك انانية لانه بالنهاية كلنا رايحين وما في عندك بالحياة الا الاثر الي راح تتركيه ما هادول الناس الي هم راح يترحموا عليكي بالمستقبل بعد عمر طويل "

مها : " فاتحة انتي أبواب روحك لاستقبال قصة جديدة ممكن تنسيكي الحب الي حكيتينا عنه بالأول "
عبير : " دايما مفتوح 24 ساعة على مصراعيه كمان بس هو شوفي انا في نقطة متل ما قولتلك انه احيانا انتي بدون سبب بتكوني ماشية بطريق في شي بيستقر جواتك وفي شي بيمشي من جنبك فهلا لحد ما يجي حدا يستقر جواتك ويغطي على الي كان قبل ، يمكن ما يكون بده وقت بس ممكن بده يكون قدر لحتى الله يبعتلك الشخص التاني المناسب أكتر "

مها : " عبير طيب والأهل شو رأيهم بحياتك او عازله حالك عنن "

عبير : " انا ما عازله حالي عنن بس انا كمان لما كنت أصغر كان في عندي اعتقاد يعني البنت لما تصير فوق 30 خلاص تعيش لحالها فهلا يمكن نحنا هيك يعني ما بعرف هلا نحنا هيك الله خالقنا انا بالنسبة لإلي كتير عندي استقلالية والحمد لله ربيانه بعيله كتير عنده ثقة واعطوني حرية بالسفر وبالطلعة وبالنزلة والحمد لله يعني ما في خلاف ، في ناس فاكره انه ما بحكي مع أهلي ، انا كل يوم بحكي مع أهلي كل يوم نبعت صور لبعض وكذا بس انا عندي خصوصية انه حياتي الخاصة ما بحب احكي فيها للعالم والناس "
مها : " عبير حبت تشارك في سلسلة حب وعلاقات لتخبرنا بمفهومها الخاص عن الحب لكن انا طلبت منها بالجزء الأخير من تسجيل الحلقة انه تخبرني تفاصيل عن تجربتها يالي كانت جزء من أسباب تشكيلها المفهوم يالي سمعتوه "

عبير : " كا قاعد بالاستوديو وبعدين فجأة ضل يحكي معي كتير فقولتله انت ليش ما روحت على البيت فقالي لانه في قصف كتير بره فما فيني اطلع على البيت فانا هنام بالاستوديو فهو طول الليل قعد عم يحكي معي وانا عم بحكي معه فهو كان عم يقدم على فيزا وكانت صعبة انه الناس تطلع فانا ساعدته بهاي الموضوع ، الشخص هيدا بالنسبة لإلي هو يعني عنوان النجاح اوك يعني هو قديش مرق معه أشياء وهو انسان كتير شاطر وهو كان عنده ثقة في حاله وقديش هو انسان يعني ، هلا انا بفتخر فيه هو هلا بشغلة مهمة تقريبا وانا براقب نجاحاته من بعيد فبالعكس بفرح بس انا الشي الي بيحزني شو هو انه انا مني قادرة اشارك هيدا الفرح الي هو عم يفرح فيه وهيدا النجاح الي فيه "
مها : " ليش ؟ "

عبير : " لأنه خلاص احنا بعيد عن بعض ما بنحكي مع بعض عرفتي كيف فحلوة انه يعني الواحد شو بيزعل ، بيزعل انك انت لما تكون شخص مضايق بيجي لعندك وبيشكيلك همه وكل مشاكله وبتكوني انتي متل البحر عم تسمعي وتساعدي والوقت انا برجع بقولك يمكن المساعدة المادية ما تكون موجودة أصلا بس المساعدة المعنوية انك انتي تسمعي شخص بالوقت الي هو منه قادر أصلا يحكي فيه ضعفه لأي حدا الا لإلك انتي عرفتي كيف فهادا الي بيخلي فيه حالة من المشاعر بتكون جواتك متل الاستاذ مثلا انك انتي بتكوني عندك كتير تلاميذ بس بيكون فيه حدا مميز أكتر من التاني انك انتي عم تعطيه وقتك أكتر ، تساعديه أكتر فهيدا النبتة الي كنتي عم تراعيها بالبداية وتعطيها شوية اهتمام ومي وضو وعطاء وتكبر ولما تعطي الثمار انتي ما تكوني موجودة "

مها : " يعني قصدك انتي كنتي بلحظات الزعل او الفترات الصعبة وما بتقدري تكوني بالفترات الحلوة "

عبير : " ايوه ، ايوه "
مها : " بس انتي قولتيلي بالبداية انه عادي بالنسبة لإلك "
عبير : " انا قولتلك انا بعد وقت لحتى انا وصلت لقناعة انه الواحد لما يعطي حدا ، هادا الكلام انا قولته من كام يوم ، الواحد لما يعطي متل السند متل الحائط متل انك انتي عم تزرعي شي ،يمكن انتي ما تاكلي يمكن ولادك ياكله منه فهيدا الشي ما لازم يخلق جواتك حالة من الزعل اوك الواحد بيفضل انه يكون من الشخص التاني بنجاحاته وبيسقفله على الأقل يفرح لفرحك مش يبكي بس لوقت انتي بتكوني بتبكي ، ففي مشاعر انه انتي بتحبي تكوني متبادلة مع الشخص الآخر اوك حلو الواحد يكون جسر عبور للناس لحتى تحقق امنياتها وتعطي انجارات بس كمان الأحلى انه انتي تشاركي هيدا الانجازات وتسقفي على الأقل "
مها : " و ما صار "
عبير : " ماصار "
مها : " في شخص هلا بحياتك ؟ "
عبير : " هلا في عندي أصدقاء مش حب يعني حب كحب اجت فترة كان بدي اتعرف على حدا بحب وغرام كذا وزواج بس حسيت شغلة بتخنق قولت باي ، يمكن لأنه طبيعتي انا طبيعتي بحب الشغل بحب يعني ، عندي علاقات كتير بشغلي بحسب طبيعة شغلنا فصعب انك انتي ترتبطي بشخص رجعي نحنا ما صرنا في سنة 2020 وبعد في حدا بيقولك ما تشتغلي مع هادا وما تتطلعي بهادا ما نحنا هلا نحنا موجودين عم نشتغل شباب بنات وصبايا وعادي هيك بكل احترام ، فانا بالبداية قولتلك انا بالنسبة لإلي وبقعد بالبيت يا ضلني عم بشتغل وعايشة حياتي وهيك "

مها : " شكرا لعبير وشكرا الكم مستمعينا على الاهتمام ، مستمرين في الحلقات القادمة من سلسلة حب وعلاقات بتجارب جديدة ومختلفة انتظرونا دائما واسمعونا عبر موقعناakhbaralaan.net وجميع منصات البودكسات متل Apple podcast ,Google podcast , spotify , Soundcloud , Deezer , Anghami وهتلاقوا كمان جميع الحلقات السابقة في بودكاست صارت معي ، للمشاركة معنا بأي فكرة او حلقة راسلوني عبر الواتساب 00971568531592 بالإعداد والتقديم برافقكم دائما أنا مها فطوم ، الى اللقاء

 


قائمة الحلقات

  • كيف يتحمل مضيف الطيران نفسيات الركاب المختلفة؟
    مها فطوم

    كيف يتحمل مضيف الطيران نفسيات الركاب المختلفة؟

    كيف يتحمل مضيف الطيران نفسيات الركاب المختلفة؟ عمار نفاع مضيف طيران سابق بخبرة تزيد عن 11 سنة، يشاركنا في بودكاست صارت معي ضمن سلسلة "خفايا شغل" تفاصيل ومعلومات عن عالم مهنة مضيف الطيران وبعض أسرارها ...

  • القهوة تستحق أن أصبح باريستا لأجلها
    مها فطوم

    القهوة تستحق أن أصبح باريستا لأجلها

    القهوة تستحق أن أصبح باريستا لأجلها الريم الهناوي شابة إماراتية عمرها 23 سنة، توجهت للعمل كباريستا في واحدة من أشهر الكافيهات بالعالم بعد أن قررت عدم متابعة دراستها الجامعية. تشاركنا في بودكاست صارت معي ضمن ...

  • معلومات لا تعرفها عن تغسيل الموتى
    مها فطوم

    معلومات لا تعرفها عن تغسيل الموتى

    معلومات لا تعرفها عن تغسيل الموتى الشيخ أحمد عودة والشيخ حسين سليمان سوريان مقيمان في لبنان، بالإضافة لعملهم الأساسي في التعليم الديني يقدمون خدمة تغسيل الموتى منذ سنوات طويلة ، شاركونا في بودكاست صارت معي ...

  • لماذا لا نحب موظفي الـ HR؟
    مها فطوم

    لماذا لا نحب موظفي الـ HR؟

    لماذا لا نحب موظفي الـ HR؟ ليلاس مكي متخصصة في الموارد البشرية وعلى منصات التواصل الإجتماعي كريمة جداً في نصائحها للباحثين عن عمل والراغبين بتطوير أنفسهم مهنياً، شاركتنا في بودكاست صارت معي ضمن سلسلة "خفايا ...

  • تشويقة: سلسلة "خفايا شغل" - بودكاست صارت معي
    مها فطوم

    تشويقة: سلسلة "خفايا شغل" - بودكاست صارت معي

    "خفايا شغل" سلسلة حلقات في بودكاست صارت معي نستضيف فيها أشخاص من مهن وخدمات مختلفة ليخبرونا أسراراً لا نعرفها كأشخاص خارج مجالهم وكواليس تحصل أثناء ممارسة المهنة بالإضافة إلى مواقف طريفة وغريبة حصلت معهم. إعداد ...

  • كيف نتحرر من القوالب الضيقة التي وضعونا بها؟
    مها فطوم

    كيف نتحرر من القوالب الضيقة التي وضعونا بها؟

    غالية تركي صبية سورية فلسطينية مواليد 1991 مقيمة في الإمارات منذ عامين وتعمل في مجال إدارة المشاريع التسويقية والخدمات الإلكترونية، تشاركنا في بودكاست صارت معي تفاصيل تجربة قاسية وصلت فيها للموت بسبب التنمر وعدم تقبل ...