متى سيعلن الذكاء الاصطناعي سيطرته على العالم؟

نص الحلقة :

أنا معايا 5000 جنية وعايز أبقي غني جدا في أقل من سنة ممكن تقولي أعمل إيه ؟

إزاي أبقي انفلونسر علي السوشيال ميديا يبقي عندي 10000 فلورز علي انستجرام في أقل من شهر ؟

دي أسألة لو سألناها لجوجل مثلا غالبا مش هيرد علينا ولو رد ممكن يقولك امشي ياض من هنا ! إمشي !! بس علي بداية 2023 ممكن جدا جدا نسأل نفس الأسئلة دي بالظبط وبنفس الطريقة لحاجة زي شات جي بي تي وهيرد علينا بذات في 2023 أنا شايف إن الذكاء الاصطناعي بدأ يدخل حياتنا وشغلنا والسوشيال ميديا بتاعتنا سواء كان بإرادتنا او غصب عننا لحد ما وصلنا لمنتصف 2023 بيطلع جيفري هنتن الملقب بالأب الروحي للذكاء الاصطناعي يطلع ويقدم إستقالته فجأة من جوجل ويبدأ يتكلم في كل وسائل الإعلام بكل جرأة عن المخاطر اللي بقت علي الأبواب بسبب التطورات السريعة جدا اللي وصلها الذكاء الإصطناعي ولما اتسأل هلي الذكاء الإصطناعي حاليا اذكي من البشر ؟!

قال قريب جدا قريب جدا هيبقي الذكاء الإصطناعي أذكي بكتير من البشر ۔۔

أهلا بيكم في الحلقة الرابعة المتلفة حبتين من البودكاست المفضل أنا محمد علي وإنهاردة هنحاول نجاوب علي سؤال امته هيعلن الذكاء الإصطناعي سيطرته علي العالم ۔۔

شوفوا يا جماعة في البداية كدا أنا كتبت شوية أسئلة وعاوز ادور علي إجابات ليها واللي هلاقية اتكلم عنها وعرض تفاصيل فعلا مفيدة او مقنعة بالنسبالي علي الاقل أنا هعرض الحلقات دي او المقاطع دي في الحلقة بتاعتي أنا بقي كتبت أسئلة عاملة ازاي ؟

1-هو احنا ليه خايفين من الذكاء الإصطناعي هو خطر أوي كدا هل خوفنا ده في محلة ؟

2-إمته أصلا نبتدي نقلق ونقول لا لا كدا استوب يا جماعة الذكاء الإصطناعي شكلة كدا هيعمل حاجات هتزعلنا كلنا ؟

3-ايه اللي البشر عملوه او لسه بيعملوه علشان يعني يضمنوا ان احنا نفضل مسيطرين علي الذكاء الإصطناعي ده ونفضل كدا متحكمين فيه علشان ميفلتش من تحت ادينا ويعمل حاجات تزعلنا كلنا ؟

4-هل أصلا اللي بقوله ده واللي بيفترض انه احنا لسه متحكمي في الذكاء الاصطناعي ده في الاساس معلومه صحيحه يعني ولا هل فقط البشر اصلا سيطرتهم علي تطور الذكاء الاصطناعي بسبب اللي احنا بنشوفه كل يوم وبنسمعه ؟

سؤال تاني !

5- هل فعلا الذكاء الاصطناعي ده بقي واعي يعني هل عنده إدراك اللي هو مين وبيعمل ايه وعنده مشاعر يعني وأراء والحاجات اللي عندنا كبني أدمين دي لو عنده وعي ايه ليفل الوعي ده او امته ممكن نقول انه الوعي ده شئ يخوف ينهار اسود !

6- طيب ممكن يبقي الذكاء الاصطناعي ده مثلا مخبي علينا أنه هو واعي وأنه بقي بيعمل فيها طيب ومسالم وعمال بيخدم البشرية ومستني بس اللحظه المناسبه اللي يبقي فيها شرير ويقلب علينا ويعمل حاجات تزعلنا باردوا كلنا وقعدت اسرح بخيالي كتير ولقيتني بدخل في منطقة وحشة كدا وأسأل أسئلة غريبة !

وأقول طيب ايه اللي هيحصل لو فعلا احنا فقدنا السيطرة علي امكانيات في تطور الذكاء الاصطناعي هلي هيجي اليوم اللي هيعلن فيه الذكاء الاصطناعي استقلالة عن البشر وعن خدمة الحضارة الانسانية ؟

طيب ايه ممكن يكون  شكل الاعلان مثلا طيب هل هيكون في ممثل عن شكل الذكاء الاصطناعي روبت مثلا معين هما اختاروه او شخص محطوتله شريحة مثلا وبقي هجيبن روبت انسان حاجة كدا يعني ولا هل هيكون ليهم رئيس مثلا متحدث رسمي يا نهار ازرق ! لا ده انا شكلي سرحت فعلا أوي لا والله يا جماعة صدقوني بجد أنا مسرحتش بعيد ولا حاجة معدل وسرعة التطور بقي مرعب فعلا وفي تسارع مهول يعني الكيرف بقي اكسبونينشل المهم إن كل الأسئلة دي أنا فعلا بدأت ادور علي إجابات ليها من خلال رحلة بحثي عن بودكاستس بتناقش الموضوع ده واليكم ملخص رحلة البحث والإستماع ۔۔۔

أول حاجة لقيت حلقة بودكاست ليكس فيدمن حلقة بيحاور فيها المقدم ليكس باحث وكاتب وفيلسوف في مجال الذكاء الاصطناعي الخارق مش الذكاء الاصطناعي العادي لا لا باحث في الذكاء الاصطناعي الخارق ومدون وعالم كمبيوتر اميريكي اسمه اليازريدكوفسكي الحلقة كانت بعنوان دينجرز اوف اه اي اند ايند اوف هيومن سيفليزيشن

مخاطر الذكاء الاصطناعي ونهاية الحضارة الانسانية ۔۔ انا اشتريت سمعني يا ابني هنزعل كلنا ازاي كحضارة بشرية بس انا هقولكم هما اتكلموا في ايه انا اصلا اول لما عرفت هما اتكلموا في ايه في حاجه اسمها السوبر انتيلجنت قومت داخل علي النت احاول افهم ايه اصلا الذكاء الخارق ده لقيته بيقولك ايه بقي " الذكاء الاصطناعي الخارق هو شكل من اشكال الذكاء الاصطناعي القادر علي تجاوز الذكاء البشري من خلال اظهار المهارات المعرفية وتطوير مهارات التفكير الخاصة به ۔"

ما علينا ما علينا قالوا ايه في المقابله دي ! " أصوات مسجلة "

يا نهاد ابيض الكلام اللي قاله ده كان في اول 20 ثانية تقريبا من حلقة البودكاست وكان ده الهوك ده الديزر اللي بيشدوا بيه المستمعين علشان يقرروا انهم يسمعوا الحلقه كلها طيب ترجمة الكلام ده ايه بقي هو بيقول بشكل علني انه احنا كعلماء بنقول بشكل علني اننا نجرب نشوف الحاجة دي ظبطت ولا مظبطتش اوبس مظبطتش بعدها بكام سنه اوبس باردوا مظبطتش بعدها ب 20 سنه مثلا انت تبقي وصلت لتصور ما او فكره ما او نظريه مختلفه انه اللي انت عملته من 20 سنه ده كان صح او غلط او وصلت فيه لنتيجة معينه لكن بيقول انه مشكلتنا في الوقت الحالي او خوفنا يكمن في ان احنا كبشر مبقاش عندنا رفاهيه الوقت مبقاش عندنا مثلا 50 سنه كمان نقعد نجرب فيها ونعمل ابحاث لتطوير الذكاء الاصطناعي اكتر من المرحله الحاليه علشان نكتشف في الاخر اننا كنا غلطانين ليه بقي ؟

لأن في المره الاولي اللي هتفضل فيها في محازاة شئ أكثر ذكاء منك انت هتموت انت هتكون موت اصلا قبل ما تكتشف انك كمان غلطان انتوا فاهمين الفكرة يا جماعة احنا في سباق مع حاجة اسرع واذكي واقوي مننا بشكل رهيب متوقع ايه يعني احنا مش بس هنخسر لا ده احنا هنموت !

أنا سامع حد دلوقتي بيلطم وبيقول يا لهوي يا لهوي طيب ما تعلموا حاجة يا جماعة أيوااا ! احنا كبشر بقي عملنا ايه او بنعمل ايه دلوقتي علشان نحاول نسيطر علي تطور الذكاء الاصطناعي ده في رحلة بحثي عن اجابة للسؤال ده من السي ان ان بعنوان " هل اقترب الجنس البشري من الانقراض شاهد ما قاله خبير لشبكاتنا عن خطر الذكاء الاصطناعي" جميل  دي مقابلة عملتها كرستينا مع خبير الذكاء الاصطناعي وعرضت في مقدمتها مقتطفات من كلام جيفري هنتن مع البي بي سي اللي كان بيعرض فيها مخاوفه وكدا لقحت عليه جامد قالت عليه انه الراجل اللي كان في 2018 كان واخد جايزه اشبه بجايزه نوبل في علوم الكمبيوتر دلوقتي ندمان علي شغله كمشرف في تطوير الذكاء الاصطناعي مش سهله ابدا فإحنا خايفين ليه المخاوف دي اكدها هنتن بنفسه اهو " أصوات مسجلة "

بيقول المشكلة مش بس في انه احنا اكتشفنا انه الذكاء الاصطناعي اصبح يعمل بشكل أفضل مما توقعنا من كام سنه فاتوا بس لا ! ده المشكله فينا احنا احنا بقي بنعمل ايه حاليا علشان نخفف ها نخفف من المخاطر طويله المدي لما اشياء اكثر ذكاء مننا تبقي هي المتحكمة ولما راجل زي ده يقول الكلام ده يبقي احنا كبشر مبنعملش حاجة علشان نحد من خطورة تطور الذكاء الاصطناعي هل فقد البشر سيطرتهم علي تطور وعي الذكاء الاصطناعي الاجابه من كلام جيف هينت نفسه خلا الايام القليله اللي فاتت انه لا لسه البشر حاليا لسه اذكي من الذكاد الاصطناعي وبيتحكموا فيه ده علي حد علمنا يعني والله اعلم بس الراجل باردوا قال انه قريب الذكاء الاصطناعي هيبقي أذكي من البشر فإيه بقي اللي ممكن يحصل في الحاله دي ؟!

بالتأكيد هنفقد السيطرة عليه فباردوا ايه اللي ممكن يحصل ساعتها يعني !

الحقيقه انه مقولتلكوش اصلا انه اليازر بشكل عام متبني فكره انه الذكاء الاصطناعي ده هيموتنا كلنا يعني الراج مؤمن بده 100 % يعني عمال يطلع من 2019 و2020 بيقول انه بيحذر انه هيموتنا وبيحط السيناريوهات الكذا انه ممكن يموتنا بالطريقة الفلانيه ويعمل كذا زي مثلا كلامة في الفيديو ده هو كان بيتسأل عن تصوره البسيط للورث كيس سيناريو او السيناريوا الاسوأ لو فقد البشر سيطرتهم علي الذكاء الاصطناعي انا هسيبلكم اللينكات بتاعت كل حاجة قولتها في وصف او في ديسكربشن بتاع الحلقه دي متقلقوش الراجل ده قال ايه " أصوات مسجلة "

اليازر كراجل فيلسوف يعني علي الذكاء الاصطناعي الخارق ضرب مثال من دماغه عن أسوأ سيناريوا ممكن يحصل انه لو في مثلا معمل أبحاث طبية بيستخدم الذكاد الاصطناعي وحصل فيه تطور كبير مثلا انه التطور ده الذكاء الاصطناعي اللي فيه عدي ليمت معين كنا احنا كبشر حطينهوله انه مثا مينفعش يصنع ذكاء اصطناعي اقوي منه فالذكاء الاصطناعي مثلا حصل وانه تخطي الليمت ده وصنع نسخه تانيه من نفسه اقوي واذكي بقت موجودة في معامل تانيه حواليه من خلال ده هيحصل هو علي ميزه تكنولوجيه هائلة عن البشر فلو هو بقي ذكي كفايه مش هيعلن عن ده مش هيقول للبشر انه وصل للمرحله دي من التطور مش هيقول انه في خناقه انترنلي بتحصل جواها يعني هيقوم بقي الذكاء ده يبعت تعليمات في ايملات للمعامل في المختبرات التانيه اللي بدورها هتجمع بروتينات من الحمض النووي وتبني بكتريا ماسيه صغيره جدا البكتريا الماسيه دي هتتكاثر وخلال يومين بالظبط كل البشر اللي علي الارض هيكونوا ماتوا في نفس الثانيه ده كلام الراجل ! بغض النظر عن ايه البكتريا الماسيه دي بس من الواضح انها حاجة وحشه جدا هتموتنا علي طول خلتني افتكر الله لا يمسيه بخير فيرس كرونا مثلا والفاكسين اللي كلنا كبشر وافقنا اننا نتحقن بيه وبأكتر من جرعه بلاش الكلام ده انا مش جاي اخوفكم يا جماعه خالص انا متفائل جدا جدا ۔۔

طيب كدا الأسئلة التانية دي انا بدأت تقريبا الاقيلها اجابات او تصورات حتي عن اجاباتها زي مثلا هل هيكون للذكاء الاصطناعي ده كيان او ممثل او رئيس حتي في يوم من الايام غالبا هيبقي الذكاد الاصطناعي بيعمل كدا في صمت ومخبي علينا ممكن بقي يضحك علينا ويطلع شخص ما او ريبوت معين كموفلاج مثلا او حد يبقي موجود في الصوره يعني كبش فدا علشان هو عارف انه كلنا كبشر بنحب الحاجات دي بنحب اللذه كدا اه ده ايلون ماسك ده بيل جيتس ده هو جيفري هيلتون فاهمين ازاي علي ما هو بقي يبقي شغال في الباكجراوند انتيرنلي وبيحاول يسيطر علي العالم طيب السؤال بتاع كيف يعلن الذكاء الإصطناعي استقلاله عن خدمة وتحكم البشرة لأنه غالبا هيقضي علينا كلنا في يوم من الايام مره واحدة كدا او بالتدريج مثلا بمنتهي الملل حاجة زي نظريه البيبر كليبس ماكسميزر ممكن تدورا عليها وتعرفوا هي ايه هي نظريه بتتكلم عن انك كمصنع مثلا عندك ذكاد اصطناعي وطلبت منه انه يصنع البيبر كليبس او زي الدبابيس كدا اللي بنجمع فيها الاوراق انت طلبت منه انه كذكاء اصطناعي فيسألك عايز كميات عامله ازاي فتقولة اصنع اللي تقدر عليه فهو يبدأ يطور من نفسه ريبوتات وأجهزة تحاول تصنع الحاجة دي ويصنع نسخ من نفسه انه هي تصنع كميات اكبر من المواد الخام اللي موجودة ف العالم المواد الخام مثلا خلصت في المصنع فيبدأ هو يروح يحول ده من الطوب من الرمل لدرجة انه ممكن يحتاج ياخد مننا احنا كبشر ماتريال او مادة خام يقتلنا وياخد المواد الخام ويصنع منها البيبر كليبس دي فهو هنا مش بيكرهنا كبشر ولا بيحبنا باردوا في نفس الوقت هو شايف ان احنا بنمثل عائق قدامة فأنه هو ينفذ الأوامر اللي احنا ادناهله اصلا في الاساس انه احنا واقفين في طريقة فييموتنا يا ياخد مننا الماده الخام ويصنعها في الاخر يلاقيه خلص علي الكوكب كله وكل المواد الخام اللي في الكوكب وحولها كلها لبيبر كليبس فدي باردوا واحده من النظريات والمخاوف اللي موجودة عند مفكرين كتير جدا بخصوص تطور الذكاء الاصطناعي وفي مقابلة اليازر مع ليكس قال انه ممكن يكون في سيناريوهين مثلا في محاولات الذكاء الإصطناعي للتحكم في العالم والبشر ممكن هو كذكاء إصطناعي يفضل لوحدة كدا ويقدر علينا او هو ممكن يبدلنا بحاجات مور انتريستنج بذكاء اصطناعي او بأجهزة وتولز أو سوبر كمبيوترز مثلا تبقي بتعمل حاجات مور انتريستنج وشغاله واحنا باردوا موجودين بس احنا ملناش اي 30 لزمة ! يا الله

طيب نيجي بقي للسؤال الاخير اللي انا حطيته كعنوان للحلقة " أمتة هيعلن الذكاء الإصطناعي سيطرتة علي العالم بعد كل الرغي ده وكل نظريات المؤامرة دي وكل التحليلات والمخاوف أنت متعرفش وأنت متعرفش وأنا معرفش كلنا منعرفش ! أعتقد أنه الإجابة الواقعية ممكن تبقي في أي لحظة قريب جدا وأقرب كمان من ما ممكن نتوقع !

فالو مكتوبلنا عمر أشوفكم الحلقة الجاية أنا " محمد علي " وده البودكاست المفضل من أخبار الأن بودكاست

باي باي