كاتشب هاينز يديره عبقري تسويق

نص الحلقة :

قصتنا انهاردة عن شركة كبيرة بس من أكترالحاجات المشهورين بيها هي الكاتشب !

 

بيزنس ميدنايتس مع فرح أخبار الأن بودكاست

 

أهلا بيكم في رابع حلقة من بيزنس ميدنايتس معاكم فرح وإبراهيم

 

بجد قصة انهاردة أنا متحمسة علشانها جدا جدا جدا الكاتشب بتاعهم حرفيا موجود في كل مطعم وكل بيت عرفت بنتكلم عن ايه ؟ " فرح "

 

هاينز " إبراهيم "

 

هنعرف انهاردة ازاي مهاجر كان بيبيع فجل قدر يعمل أشهر كاتشب في العالم بيعمل ملايين الموضوع ابتدا بواحد اسمه هانوي هاينز اتولد سنة 1844 في مدينه بيتسبرج في ولاية فينسلفينيا في أمريكا وكان عنده 8 إخوات وباباه ومامته مكانوش أمريكان كان أصولهم ألمانية وهاجروا أمريكا وكانوا بيشتغلوا هناك في زراعة الخضار وكانوا بيعملوا مخلل وبيبعوه وهنري علي ما تم 9 سنين كان اتعلم وبقي شاطر أوي فأنه يعمل المخللات ويبيعها وخود بالك كتير من اللي كانو بيبعوا المخلل كانوا مشهورين أنهم بيغشوا الناس ورغم صغر سنة هنري كان غيرهم وكان عاوز يكسب ثقة الناس عمل ايه بقي ؟ بص عمل ايه !

هو كان بيبيع فجل مخلل فقرر يحطه في علب ازاز بس تكون شفافه عكس باقي البياعين وكدا علشان الناس لما تيجي تشتري تقدر تشوف ان الفجل مش بايظ ويكسب ثقاتهم وده بالفعل اللي حصل انه كان بيبيع والدنيا كانت زي الفل وباباه شاف انه الولد ده جواه عارف اللي هو رائد أعمال صغير كدا وراح أول ما هنري تم 10 سنين باباه راح مديه ارض زراعية كبيرة علشان يزرعها ويوزع المحصول بتاعها ۔

يعني انت متخيل كل اللي انا بقوله ده وهو 10 سنين يعني لسه مبتديناش هنري استغل الفرصة دي وقعد بقي يستكشف المحاصيل الزراعية ويتعلم ويجرب حاجات مختلفه غير انه كمان كان مركز زوي مع الكاستمرز والزباين بتوعه وبيعرف هما بيحبوا ايه وبيفكروا ازاي بص عنده 10 سنين وبيدرس المستهلك ههههه !

وهنري بقي لما كان عنده 15 سنه بقي شاطر جدا بعد 5 سنين وبيفهم في كميات والمحاصيل الزراعية وبيع الخضار وده بقي الباشن والشغف بتاعه ، جه بقي وقت انه هو يخش الكليه ودرس تجارة وعايزة أقولك انه شوف هو اللي دفع فلوس الكليه لنفسه من الفلوس اللي حوشها من الزراعة وبيع الخضار وكل ده بعد ما اتخرج اشتغل في انتاج الطوب مع باباه يعني شوف كم المجالات يعني شوف احنا قولنا ايه من الاول يعني زراعه ومخلل وفجل وبيع طوب بس فضل دماغه يعني اه كان بيشتغل في الطوب وكدا بس فضل دماغه في المخلل والزراعه اللي هي الأقسام دي جت سنة 1869 ودي كانت سنة فارقة في حياة هنري هاينز ! " فرح"

 

عمل ايه بقي ؟؟ " إبراهيم "

 

بص بقي هنري وقتها كان عنده 25 سنه وادرك ساعتها ان المستقبل كان للأكل المعلب وهو وصاحبه واحد اسمه نوبل قرروا انهم يفتحوا شركه ويسموها هاينز اند نوبل سنه 1869 والشركة دي بتوفر مخللات معلبة ومسطردة ومنتجات تانية بيوزعوها علي المطاعم والكافيهات والسوبر ماركتس " فرح"

 

اها " إبراهيم "

 

عايزه أقولك يعني جزء كبير أوي من الناس اللي بتنجح كنت قريت عن شيف بيسوس قبل ما يفتح أمازون علي طول قرأ مقال بتقولك إن المستقبل كان لحاجة اسمها الانترنت وفتح أمازون وبدأ يبيع الكتب وبعد كدا توسع توسع فالواحد كدا لما بيكون عنده نظرة مستقبليه دي بتفرق اوي اوي " فرح "

 

ايوه عندك حق " إبراهيم "

 

وهنري كان مهتم اوي اوي بالكوالتي كنترول بتاعت المنتجات وكان بيعمل زي ما ابتدا لما كان عنده 9 سنين كان حاطت بقي المنتجات في علب شفافه وبيبعها علي عكس المنافسين اللي في السوق في الوقت ده ساهم بشكل كبير جدا في زيادة المبيعات الناس كان عندها تراست ايشوز ساعتها تحس هههههه قعدوا لمدة 6 سنين يكبروا ويتوسعوا وعينوا حوالي 150 شخص والصحافة كتبت انه هاينز نوبل من اسرع الشركات نمو في المدينة بس بقي للاسف شوف ايه اللي حصل سنة 1875 شركة هاينز اند نوبل فلست !!!! اللي حصل ان قبل الافلاس بسنتين حصل أزمة اقتصادية كبيرة بسبب انه شركه اسمها جاي كوك كانت موجودة ساعتها ودي كانت شركة من اكبر الشركات الي هي مستسمرة في الطرق وكدا قفلت ابوبها وسحبت كل استثمارتها وبيزنس كتير عانت ساعتها ومنهم هاينز اند نوبل ۔۔" فرح "

 

انا مش فاكر بس في فتره من الفترات اللي هي ساعة ماكدونلز كان ماكدونلز بياخدوا من هاينز الكاتشب وفي سنه من السنين هما لغوا الديل اللي كان بينهم معرفش هو ده نفس اللي بتقولي عليه ف نفس السنه ؟ ۔۔ " إبراهيم "

 

وارد جدا وارد جدا ما علشان كدا هو اللي حصل بقي معاهم زي ما انت بتقول ان الشركة بتاعتهم حصل فيها عجز جامد اوي في رأس المال وهما مقدروش يلتزموا بالعقود اللي عاملينها مع المزارعين وحاولوا انهم ياخدوا قرض بس طبعا معرفوش كان صعب اوي ساعتها واضطروا يعلنوا افلاسهم  ۔۔ قبل ما اقولك بس ازاي وقفوا الشركة علي رجلها تعالي نتكلم عن حياة هنري العاطفية بقي نخش في الحب هههه

هنري اتجوز واحدة اسمها سارة وخلف منها يعني 4 دة كان قبل الافلاس طبعا وكان عندهم بيت بيتهم القديم ظبطوه وقعدوا فيه هما والولاد طيب يفضل باردوا السؤال ؟ ازاي قدروا يوقفوا الشركة تاني الي رجلها بعد الإفلاس ؟

بعد ما افلس بسنه هنري قرر يفتح شركة جديده مع واحد من اخواته اسمه جون وقديبه اللي اسمه فادرك وسموا الشركة ايه افينجين هاينز دي كدا تاني شركة يفتحوها  " فرح "

 

دي اللي هي هاينز 75 ؟ " إبراهيم "

 

اه بالظبط ، وفي 1877 بدأوا يصنعوا خرار مخلل معلب وكذا حاجة تانيه معلبه وواحدة واحدة الشركة بدأت تقف علي رجلها وهنري كان من النوع اللي مش بيستسلم بسهولة وكان متأكد أنه الناس هتشتري المنتجات بتاعته لو بس داقوها وده اللي عمله فعلا  ۔۔ " فرح"

 

انتي عارفه انهم ساعتها لما عملوا هاينز 75 فرايتز مكنش عنده 75 برودكتس

" إبراهيم "

 

كانوا اقل؟ " فرح "

 

كانوا اقل ، دلوقتي عندهم اكتر من 200 برودكت بس هما فكرة 75 جاتلهم منين هو كان ماشي في الشارع ولقي حاجة لشركة مكتوب عليه 21 شوز تاب فهو قال ان له 5 و7 ال 5 الاكي نمبر بتاعه هو وال 7 اللاكي نمبر بتاع مراته

 

ايييه دااا ؟؟ " فرح "

 

بس هما مكنش ساعتها عندهم 75 برودكت اساسا " إبراهيم "

 

بس عايزة أقولك انها حلوة وكمان تاخد الانتباه اللي هو 75 ياااه " فرح "

 

ورقم غريب " إبراهيم "

 

بالظبط بالظبط ، تكملة بقي علي اللي انت قولته هو كان مؤمن اوي أنه الناس بس لو داقوا منتجاته بس لو ادوها فرصة هيشتروا فقعد يسافر كذا بلد علشان يسوق للمنتجات بتاعته وفي القطر لما كان بيركب كان بيدوق الناس اللي قاعدين المنتجات بتاعته حتي دي باردوا حاجة قرأتها واتبسط اوي انه اخترع معلقه كدا من كارد ورد معين علشان الناس تقدر تدوق وترمي المعلقه طبعا ده عادي دلوقتي" فرح"

 

دي بقي البروسس نفسها انك كل شويه تقولي اه انا محتاجة كذا انا هعمل معلقه

" إبراهيم "

 

بالظبط وباردوا خد بالك من أكتر الحاجات اللي نجحته انه حاطت المستهلك في المركز الآول عايز ايه هعملك معلقة عايز ازاز شفاف هعملك ازاز شفاف يعني خلاص وطبعا موضوع القطروانه بيدوق الناس نجح جدا جدا وعلي فكره دلوقتي انه لو روحت اي محل ودوقك الحاجه انت ممكن تشتري علشان بس دوقك وهنري اشتهر اوي بكل كينج ملك الخيار المخلل بس هو كان طموح جدا لأنه قعد يلانش منتجات جديدة لحد ما بقي يبيع 60 منتج وأشهرهم كان الكاتشب الكاتشب رفع المبيعات بتاعت الشركة سنة 1880 ل 198 الف دولار طبعا ساعتها لما يبقي معاك 198 الف دولار ده كان رقم وبعد 10 سنين من افتتاح الشركة سنه 1880 هنري اشتري اسهم اخوه وقريبه واستحوذ علي الشركة خلاص بقت بتاعته وسمها اتش جي هاينز كامبوني واشتري ارض خاصة بالشركة علشان هو كان عايز يتحكم في دورة البرودكشن نفسها من اول الزراعة لحد ما توصل للمستهلك عارف اكتر حاجة بحبها في هنري هي ايه غير انه مبيستسلمش وكل ده ؟! بس هو بقي عبقري لما نيجي بقي لحته بيع منتجاته يعني في سنه 1893 كان في معرض شكاغوا العالمي ومكنش عارف يبيع البرودكت اوي فقعد يفكر واعلن انه اي حد هيشتري منه خيار مخلل هياخد منه دبوس هدية علي شكل خيارة مخلله ههههههه ! بجد فكرة كيوت اوي ونجح جدا الموضوع والناس اشترت غير انه كمان بقي بالذات الفكره بتاعته دي خلت حرايد كتير تكتب عنه ومجلات كتبت عن الكريتفتي او الافكار الجامدة في البيزنس يعني ۔۔۔

ودة طبعا اداه اكسبوجر حلو اوي وشهرة للشركة هو في الحقيقة اصلا هنري هاينز كان من أوائل اصحاب المصانع اللي نظم رحلات الرحلة بتاعته للمصنع الناس تيجي تشوف البروسس بتمشي ازاي وهو يكسب بقي ثقتهم وباردوا خد بالك دي كانت بتديلة فرصه انه يتكلم مع الزباين بتوعه طيب انتو عايزين ايه ؟ فاهم ياخد كدا شويه معلومات فهو كان من أوائل الناس اللي عملوا الموضوع ده وعلي 1896 هنري هاينز كان ملوينير يعني مكنتش تمشي في حته من غير اصلا ما تشوف صوره هو والمنتجات بتاعه في الجرايد والمجالات بس شوف كل ده هو منتج واحد من منتجاته حقق نجاح ساحق ولحد دلوقتي انت لما تيجي تجيب كاتشب بص هو في انواع كتير بس ده تميز بطريقه !! " فرح "

 

بس هو عنده برودكتس كتير اوي  " إبراهيم "

 

لأنه كان من أول الناس انه يعملها في ازازه شفافه انت شايف البرودكت من جوا انه كويس وفريش وأول ريسبي اتعملت للكاتشب اصلا كانت 1812 علي يد عالم من فليدلفيا اسمه جيمس وهنري نزل الكاتشب بتاع هاينز سنه 1876 وطلع هو بريسبي بقي خاصه بيه معموله من الطماطم والسكر البني والخل والملح وشويه التوابل وبقي ذا بيست سيلنج كاتشب في امريكا لوصل انه بقي بيبيع 650 مليون ازازه كتشب في السنه 650 مليون !! هههههه

يعني الراجل ده راح من بيع فجل يعني هو حرفيا عمل امبراطورية ! ۔۔۔ " فرح "

 

ايوه بس هو مثلا معملش كارير شفت يعني هو من وهو صغير هو عارف عاوز يبقي في اندستري الفود اند بافردج اللي هو انا كدا " إبراهيم "

 

لا بس خد بالك راح باردوا ما قولنا طوب " فرح "

 

ايوه بس بادروا كان لسه حاسس ان هو عايز يعمل  " إبراهيم "

 

ايوه ما انت عارف اللي هو الحته الباشن بتاعك اه انا بشتغل في ده بس مش عايزه بس الصراحه اه يعني هو عمل امبراطوريه ومات سنه 1919 كان عنده 74 سنه قعد 74 سنه بيحقق نجاحات بس ! يعني بصراحه هي قصه انسبيرنج اوي اوي اوي وعايزه اقولك بقي علي حاجه هو مات وهو عنده 74 شوف علي ما بقي 74 كان فتح 25 مصنع وعنده 40 الف فدان من الخضار وارادات شركته بص بقي دي بتعدي 1،5 مليار دولار اكتسسح ! " فرح"

 

اكتسح فعلا وعمل كولابس كتير جدا  " إبراهيم "

 

كولابس فعلا والبرودكت والأفكار " فرح "

 

انتي عارفه كرافت عارفة الجبنه الفيلاديلفيا اللي هي حرفيا مشهوره جدا سوشي وكدا " إبراهيم "

 

طبعا " فرح "

 

هي اصلا كلها كرافت وهاينز هاينز باردوا اللي هي اللي عملاها " إبراهيم "

 

لالا لا قصة بجد فيري اسبيرنج يعني عامه الواحد يجرب حاجات مختلفه يعني شوف فتح كام شركه يعني  " فرح "

 

وتراست يور جاد في الاخر " إبراهيم "

 

يعني فتح مخلالات في الاول مع قريبه مع اخوه فتح كذا مره وقابله حرب وكل ده

"فرح "

 

وإفلاس وحاجات  " إبراهيم "

فجاست اي حد عاوز يبدأ شركه كيب جونج طبيعي هيقابلك مشاكل كتير وتحديات بس كملوا لحد ما تحققوا ملاين كدا زي هنري هاينز

نشوفكم في الحلقه الجايه من بيزنس ميد نايتس  " فرح "

بيزنس ميدنايتس مع فرح أخبار الأن بودكاست ۔