زكريا ديب يخبرنا تفاصيل تعايشه مع اضطراب الوسواس القهري

نص الحلقة :

صارت معي مع مها فطوم بودكاست اخبار الان

في رزمة مصاري خربطها ورتبهم بشكل معين مرتبين كانوا بس في حدا بس عاددن فأنا روحت وما عارف ابدا بالفكره فأنا مجرد شوفتن وماسكتن عرفت انن معددوين لانه أليه ترتيب الورقه كانت مختلفة

إذا ما كان بالترتيب اللي انا مرتبة فيه الطريقة اللي شايفها كتير متناسقة مثلا حسب

زو حسب ققصهن كتير بتوتر بشعر بالتشويش بكتير مرحلة ۔

اما هلا كانت العالم كليتها كتير عم تعقم وكتير عم تنضف كان عم يهمس بهاي الموضوع حتي فترة ال

 

سمعتوا صوت زكريا ديب شاب سوري درس طب أسنان ومن بعد طب اسنان درس اعلام دمجهم مع بعض وبيشتغل حاليا بمجال التسويق والاعلام الطبي في بودكاست صارت معي ضمن سلسلة نفسيتي أولا بيشاركنا زكريا تفاصيل تعايشه مع ۔۔۔۔۔۔۔۔۔۔۔۔۔

اضطراب الوسواس القهري متي بدأ عنده وشو اسبابه وكيف كان تأثيرة علي حياته " مها فطوم "

 

فنحن ممكن نتخيل هذا الموضوع علي شكل سلم الناس العاديين اوك طبيعين الناس اللي عندهم مرتبين مونونين هاذا المستوي الثاني طبيعيين المستوي الثالث كماليين اللي هم بيريدوا كل شئ يكون كامل علي الابره مثل ما هو وهنا نبلش نحكي ببعض اشكال المشاكل السلوكيه وليست اضطرابات نفسيه ۔" محمد السيد "

 

وهون سمعتوا صوت المعالج النفسي محمد السيد رح يخبرنا ايضا بالحلقة بعد ما نسمع تجربة زكريا معلومات اكتر عن الوسواس القهري وطريقته وطبيعته وأسلوب علاجه أيضا رح يخبرنا تعليقه حول حالة زكريا ياللي رح نبدأ معه من المواقف الاولي اللي بدأ ينتبه فيها لوجود درجة او حاله من الوسواس القهري بحياته " مها فطوم "

 

بدأت القصه انه صارت كتير تعليقات متشابهه مع كتير من الاصدقاء عن بعض العادات او التفاصيل اللي موجودة عندي وكنت اعتقد انها موجودة عند اي حدا وبعدين اكتشفت انه لا انه اشخاص معيني بس ممكن يكون عندهم هاي الحاله هي حاله لفت انتباه بحكم تكراره بحكم الدقه في القصص اللي بتتعامل فيها فهي وصلت لمرحله أنه ممكن كون عندي كتير تفاصيل بالحياه مثل ترتيب الاشياء طريقة المكان اللي بقعد فيه حتي لو قعدت بره مع اصدقائي بشكل او بأخر عملت حالة من أنه ليه هيك ليه هالقد عم دقق علي هاي القصة هاي الشغله ليك قد ايه ظابطه وقت في تعليقات ايجابيه وفي تعليقات مزح بشكل أو بأخر فخلت مرحله ما انه صح ليش يعني سؤال انه ليه عندي هاي الحاله بشكل عفوي او طبيعي ما بينتبه له انه شئ غريب اكيد لانه انا متعود عليه بس الاشخاص التانين صارت تلاحظها بهاي القصه وتفوت تفاصيل بكتير يعني بعدين ما فينا نقول الحياه الشخصية والحياة العملية بطريقة الكلام والتدقيق علي بعض المواضيع اللي بتصير فهون بلشت القصص انه صار في  شهرة عن بعض المواضيع انه ايه مثلا هذا الشخص او ذكريا هو شخص كتير بيدقق علي القصص هادول كتير بيعمل هاي العادة فانه ليه صيرت انا عم ببحث بهالموضوع فاكتشفت انه ممكن ما يكون شئ عادي عام يعني بشكل اساسي وكتير طبيعي انه انا ساويه وبيضير هيك حلات معينه في كتير هيك من هادول القصص " زكريا الديب "

 

طيب لما أنت بلشت تنتبه انه ايه مانو موضوع يعني مألوف عند كل الناس وانه انا ممكن كون حالة خاصة يعني قليلة اقله بلشت تقرأ عن الموضوع او ايه اللي شغلك او شو اتصرفت يعني ؟ " مها فطوم "

 

هلا هو بصراحة بدي قلك شغله هي كانت من مزحه وحديث مشترك كنت عم بحكي عن موضوع كنت بغرفتي الشخصيه اللي بقعد فيها كان في عندي حاله بفتره الدراسة والفحوصات ما بقدر كون مركز وعم بقدر ساوي وهيك كنا عم نتحدث بحديث عام بدأت انه في حدي من اصدقائى طيب جرب تعمل شئ هيك يريحك بالغرفه حط الوان حط في اكل بسيط جنبه رتب شئ قصه فأنا خطرلي انه اوك بلكي جرب هاي ديكور الغرفه بشكل او باخر وكانت اول مره ادخل بديكور غرفتي كيف بيكون قبل هيك كيف ما اتعودت عليه فكنت بتعامل مع الموضوع اختلفت يعني تقريبا شئ 180 درجه بعد هاي الوقت لما رجعت رتبت بطريقه بشوفها مناسبه حطيت قصص معينه بأماكنها انه خلاص هيك شكلها مع لونها مع طريقتها يعني حتي والدتي بوقتها لما فاتت علي الغرفه كتير استغربت انه الموضوع كتير منسق زيادة يعني نحن ما اتعودنا علي غرفتي بهاي الشكل فعم بحكي بعدين بحديث انه والله ايه ظبطت الفكره فخطرت انه يكون معك وسواس قهري فأنا هون اول تطرق للمصطلح كحديث يعني كان حدا من الاصدقاء عنده هذا الموضوع انه شو هو بالظبط شو بيعمل وهدول القصص انه ممكن هدول الاشخاص كتير بترتب وتدقق علي القصص وشو اسمه ما اخدت كتير عطيت بالموضوع بعدين صار يتطور لكتير تفاصيل صيرت الوان تطبيقات الموبايل عندي برتبها بأشكال معينه حسب تسللها وتدرج اللوني فقصص النضافه بحكم دراستي كطبيب اسنان بعدين صيرت راجع شوي التفاصيل الحياتيه اللي موجوده عندي في الاول كنت اتعامل مع الموضوع لا ما هقرب لا ما هقدر ساوي وهدول القصص وبيتجاوز الموضوع بالهنايه هادي دراستي فالمرحله الاولي كانت خليني مثلا قاعد بحاله معالجه او اي شئ بيخص مريض موجود عندنا بعدها في حاله برتقول كثير طويله بالنضافه هي نوع من الحرص علي الموضوع ليه ماكل هالقد لهالدرجه بتبالغ بالموضوع تصير حاله بين كل فتره وفتره بدي رتب كل شئ من اول وجديد ونضف كل شئ من اول وجديد هاي القصه بلشت هيك تفاصيل ترجع لذاكرتي انه صحيح ليش بعمل هيك وباقي العالم ما بيعمل هيك هدول القصص وصلني اقول لا في شئ يعني يستحق اعرف بلكي هو شئ ما لازم كون لهالدرجة اوفر بالموضوع فبحثت بالتفاصيل الموجودة انه اه في شكله في عندي شغلات هيك غريبه هههه لازم شوفها اذا هي مزعجه او لا صراحة انا ما كنت انزعج منها هي بتأمنلي راحة نفسيه بس تصير صح اوك في قلق بسيط بس مو هالقد كان الموضوع لوقتها بعدها اتطور شوي

" زكريا الديب "

 

اوكي هلا ذكرتلي موقفين موقف خاصة بترتيب الوان تطبيقات بالاموبايل وموقف خصه بالنضافة اثناء دراسة طب الاسنان وبعض الاختبارات وهيك فيك كمان تحكيلي مواقف تانية خاصة يعني هي مو حكمه وسواس قهري بعد ما انت اتطلعت علي الموضوع وعرفته شو بتعمل كمان هيك قصص لترتاح ۔ " مها فطوم "

 

من الشغلات اللي كمان دورت عنها في تفاصيل انا كتير بغسل ايديا بين كل شغله وشغله يعني تمااسمع اي نقطه اذا بمسك محرمه تمسك فيها بشكل نضيف لازم ارجع غسل من بعد المحرمه اللي مسكر شئ نضيف كانت بداي التفاصيل حالة مستحيل اقدر نام قبل ما احس انه كل شئ مشيك وأمن ومريح ومافي فياش بالغرفه مافي شي موصول ما في شئ بيشتغل ما في ضو بيطلع مافي صوت غريب الابواب كلها مسكره لازم كون الموضوع كتير امن لحتي احس اني اقدر نام براحه وهاي اخر انه باب شباك القصص في تفاصيل حتي كانت قصة الترتيب تبع الاشياء حسيت في مراحل معينه لما حسيت الموضوع بيخصني يعني مثلا ادوات معينه الي مكان معين اذا مكان بالترتيب اللي انا مرتبه فيه الطريقه اللي شايفها كتير متناسبه حسب حجمن حسب قصصهم كثير بتوتر ما اقدر اشتغل بشعر بالتشويش بكتير مرحله هي هون بديت مرحله انه لا مو بس بعض العادات اللي انا حسيت فيها واتورثتها بشكل او بأخر مثلا النضافه الزايده ترتيب معين انه شوي اوفر التفاصيل بهادول القصص فكانت بديت الموضوع مثلا كتير موضوع مزعج انا ما اعرف ليه عم تزعجني انه هاي بشكل غير ترتيب يعني اوقات حد يحطلي شئ بالخزانه بيغير التفاصيل بهادول القصص انه هادا طبيعي ومو شئ يعني يخرب فكره بيصيبني حاله انزعاج كتير كبيره انه لا هادول القصص لازم يضل مرتب بهدول القصه في تفاصيل من مراحل كنت عم بمزح في رزمه مصاري مخربطها ومرتبها بشكل معين فافي حدا بس عاددن فأنا روحت وما اعرف بالفكره فأنا مجرد شوفتن ومسكتن عرفت انه حدا عددن وحدا ماسكن لانه اليه ترتيب الورق كانت مختلفه حتي ماسالت انه كيف قدرت تعرف هذا الموضوع انه ما خلص في ذاكره الموضوع وهادول القصص مو نفس المطاطه مو نفس الترتيب حتي باغراض شخصيه وجامعه وهيك في شغله فدقق بهاي القصه انه صار هاد الهوس اللي شوي زايد عن اللزوم انه الموضوع كتير بسيط ما بده هالقد بس كتير في حالة انزعاج بالموضوع انه لازم اعالجه أو لازم لاقي طريقة خفف من هذا الريأكشن العنيف تجاه هادول التفاصيل في كتير بحر صراحه بس اللي كان ايجابي بصراحه بشاكل الي اخر انه عملت كارير شيفت لدراستي بنقله بين الاتنين انه التعامل مع القصص والشكل الرقمي وبنفس الوقت مع الادوات والكاميرا والتصوير وهادول عمل وسواس القهري حاله ايجابيه كتير كبيره لانه صار التصوير لما درسته وعرفت تفاصيله وشكل الكوادر وهادول القصص فكان عندي مشكله انه ما اقدر شوف كادر ما ظابط ضمن الشئ اللي متعود عليه والحاله المثاليه تبعه وهذا الشئ كتير ساعدني انه اتطور بالموضوع انه خلاص هاي الحاله المثاليه للقصه انه هاي الصوره مريحه ما كنت اعرف ليش هاي الصوره انجح من هاي الصوره او اظبط كنت اعرف انه خلاص هاي مريحتني اوك خلاص رواق الاشخاص اللمشاهدين للموضوع يشوفوا انه كتير في اوفر للتفاصيل انه ظابط القصه الفلانيه مع اللون الفلون انه اه قديش حلوه الدقه بالتفاصيل انا ما كنت اشوفها دقه بالتفاصيل كنت شوف انه هلا هيك الصوره هتكون مريحه نفسيا الي بعدين صارت تنعكس بشكل ايجابي حتي بالنحت حتي كذا قصه اشتغلت فيها لفتره معينه قدرت تاثر بشكل ايجابي جيد انه ما لازم اعالجه لا حلوه تفيدني بحاجات كتير بس حاول خفف من الحاجات اللي تعملي حالة قلق بشكل او بأخر ۔ " زكريا الديب "

 

أوك برأيك هو نتيجة مشكله نفسية ولا بسبب مشكلة نفسيه الوسواس القهري

" مها فطوم "

 

هلا من ناحيه انه يكون ناتج عن شئ نفسي بشعر اوقات انه ممكن يكون في هذا الجانب هلا لما دورت علي المواضيع بشكل او باخر لقيت انه بتختلف الاسباب انه يعني هي عباره عن نتيجه لمرحله بتصير اعراض عن عده اشياء ممكن اوقات تكون جين بالشخص بتوارثه بمرحله من المراحل انه هاي الدقه والقصص والقلق اللي كتير كبير تجاه القصص والتفاصيل فأخر شئ بياخد شكل اذا هي دقه بترتيب الاغراض دقه بالالوان دقه بالنضافه بس الجزء اللي بشوفه اتعودت بمرحله معينه انه ضمن مكان معيشيتي والبيت والعائله انه قصص كتير نضيفه انه كتير مرتبه وكتير في دقه انه هاي الشغله كتير هيك حتي تصير نضيفه اوك صار عندي تعود علي نمط فصيرت احاول المساحه اللي عطيتها لحالي اكتر حتي الدراسه في جانب طبيعي كتير في تعرض للميكروبات القصص العدوي لموضوع معين عمل حرص اكتر فتقامت لحالها من حاله تكون قريبه للطبيعي لمرحله اعلي بشكل او باخر فهاي نقطه النقطه التانيه هي في مراحل معينه منحس انه يعني في جزء بالحاله الفنيه او هذا الطابع اللي اتشكل كان دايما عندي حب للصور وهادول الشغلات او للفن بس اللي زاد انه صار موضوع دراستي او حتي تفصيلي بقصص انه هذا اللون مع هذا اللون بيطلع درجه بيرفكت فيها قصص معينه خلت انه تطور عندي دقه التفاصيل بحيث حتي الاشياء العاديه فيني اقول مثلا حدا ما بيشتغل بهذا النمط فبيشوف الموضوع بسيط لما بيفوت الموضوع بدقه تفاصيل اكتر عملت حاله زايده من تعزيز الفكره لانه بالنهايه انا عم برضي حاله داخليه جواتي عملت شئ كتير كبير وله اثر فأي شئ بيكثر من هاي الاعتياد عم يعمل قلق او يعمل ضرر انه مانو مريح الموضوع هادا الشئ مزعج هذه الصوره لو فيها هذا اللون بهذه التريجه كانت ساوت القصه الفلانيه هاي انعكست علي كتير جوانب الجانب السئ كان انه موضوع النضافه انه حاله قلقه انه ما بدي ايدي تلمس باي شئ من الحياه بدي ارجع اغسلها انه الواحد اللي كسر هاي العاده هو بدايه ترحال بشكل او باخر تروح للطبيعه وهادول القصص خفف كتير من هذا الموضوع لانه وضعت حالي بامر واقعي بمكان في حاله استرخاء خلاص هذا الواقع انا ما فيني غسل ايدي انا في منطقه بعيده ما في مكان الا مايه شرب بدنا نحافظ عليها هذا البرتكول اللي صار يصير بتفكيري بقصص انه خلاص معلش بتحمل هلا اذا صار عندنا مثلا لوثت ايدي او ما غسلت خلي شوي شوي انه في حاله هدوء اوك ما غسلت ما صار شئ ما عاد خف شوي من حاله القلق بهاي القصه هلا لما لقيت هاي المساحه كتير هتفيق يعني بصير اقعد من 8 ل9 ايام تماما معزول عن هادول القصص مكان كونه طبيعه وفي حالة جماليه فحتي الجانب الفني يقدر كتير يساعد انه موجود وهو اوريدي جميل والطبيعه فيها هاي التناسق فصيرت عم تزيد من الحاله الايجابيه وتقلل من حاله القلق اللي عم تتشكل هلا بعدين في تفاصيل مثلا في ايام الكرونا يعني اي حدي طبيعي في هاي الجائحه كانت عنده المشكله الضررالجسدي اللي ممكن يتعرضله من هاي المرض بصراحه انا ما كان عندي هاي المشكله لما صار حاله العقام الكتير زايده ما عاد عرفت ارجع لورا انه هلا كانت العالم كليتها كتير عم تعقم وعم تنضف كان مريح نفسيا هاي الموضوع حتي فتره الحجر شوي انبسطت انه معزول ومرتاح بهذا المكان مفيش تعرض للجراثيم بشكل مباشر بس لما رجعت ما عرفت اخف القصص في نضافه جدا اكتر من المثالي حتي الوضع الطبيعي ما بيكون مثاليين بالنضافه فكتير عانيت حتي خففت بالموضوع فماعاد تاثير بشكل كتير كبير بس اللي موجود وين ما رحت كحول محارم معطره بالتعقيم اذا بدي اطلع بالسياره بدي اعقم وماله علاقه باي كرونا انه اوك صار شئ كتير مريح ومانا زاعج اي حدا بالنهايه ما حدا بنزعج ااذا موضوع نضيف او شغله ظابطه بشكل او باخر يعني قادرين نتجاوز بمرحله معينه بهاي الموضوع واوقات تانيه يصير كتير قلق اوقات كتير ما اقدر نام لانه مثلا ما قدرت اغسل قبل ما انام مع انه كنت مغسل قبلها ب 5 دقايق بضل كل الليل والصبح اقوم اغسل مع اني ما عملت شئ فهادول الاوقات بيكون كتير مزعج خصوصا مع المجتمع المجتمع له دور كتير كبير ياثر علي الاشخاص بهادول القصص هلا انا الحمدلله صار محتوي الموضوع اهدي بس في اشخاص ممكن تحس انه الموضوع بيجرح بيحس هيك اتصالحت شويه مع الموضوع اتس فاين هو شئ حلو ۔ " زكريا الديب "

 

 

عجبني كيف انت فاهم القصه كتير وبتجرب دائما هيك كيف تبرمج القصص بحيث تخفف منها لما حكيت عن طبيعه كيف عم  انت تراقب نفسك أنه يلا ما غسلت اليوم عادي ما صار شئ حبذت اسلوبك في حدا في البيت عندكم عنده وسواس قهدي مثلا الوالده الوالد حدا من اخواتك ۔" مها فطوم "

 

فيني اقول قليل كتير لا بس شوي في قصص النضافه هذا موجود بشكل اساسي بس ما بقدر شوفه اوفر هو بس انه دائما في عندي شعور وكمان كتير من امهتنا عندهم الفكره بشكل عام

 

هو الوسواس القهري درجات " مها فطوم "

 

تماما قولتلك هو اتعزز عندي لما صار في مساحات لبعض المواقف اتعزز لما بوصل لحاله اعلي من هاد الموضوع فأنا مرتاح اكتر فبعتاد علي الموضوع بشكل اكبر فأكيد في قاعده بيبدا منها بعدين بيصير اذا الشخص عم يلقي حاله راحه فبتفرض عنده بس بالشكل العام فينا نقول مافي هادي الحاله المفرطه من هادول القصص ابدا

 

أوك بعض حالات الوسواس القهري سمعنا عنها قصص الصراحه وصلت لدرجة مرعبه بتخوف يعني هلا اتذكرت قصه وانت عم تحكي عن الامهات وهيك في ام حرفيا طفشت بناتها من البيت يعني قلعتهم من البيت لانه ما بتتحمل اي حدا يقدر يفوت ويخربلها او ممكن يغبر او يمشي او يدعس علي السيستم اللي هي عاملته برسها فمحزنه هاي القصص اذا ما اتعالجت لانه عنجد بيأثر علي حياته بشكل عام يعني انت هلا بقصتك واضح انه الموضوع مانو واصل لاي درجه من هاي الدرجات بس مثلا اذا فيك تحكيلي خلينا نحكي علي الصعيد العاطفي يعني اذا اثر هذا الشئ علي علاقاتك مع الاصدقاء او العلاقات العاطفيه " مها فطوم "

 

بصراحه الموضوع ما فيني اقول انه اثر بشكل كبير بناحيه من النواحي اللي اثر علي هذا الموضوع هو اثر علي اي نمط من العلاقات بشكل عام كيف ما كان شكله وكيف ما كان نوعها الفكره اللي صارت هو المرحله اللي كانت بتتشكل في مرحله بلش ينتبه فيها لحاله الوسواس بعدين دوغري قابلتها بحاله الانتاج والرفض انه صارت انه لا مافي هاي القصه الموضوع مانو متطور بهالقد انه انه انا معي اضطراب اكيد لا هاي القصه اللي بتصير فيا المشكله لما بتكون انه تعاملنا مع العالم بيصير محصور بقصص انه ما فيكي تسلمي علي حدا بتحسي انه لازم دوغري تغسلي لو ما الها علاقه بنضافه الاشخاص بهذا الموضوع بس بيعمل حاجز كتير كبير يعني الحاله القلب الجسدي تاخد مساحة كتير كبيره لتكون هاجس انه ما يصير بيكون الموضوع اريح انه الواحد يضل بيعد خلاص اهلين مرحبا ما في داعي للسللام ولا هادول القصص مريت بحاله علاج اكتشتفها بعدين يعني حتي لما عم قول عن قصص طبيعي وهادول كنت عم اعملهم بس بشكل لاني ما عم حب عيش هاي القلق بس بفكره لما تم معالجه هذا الموضوع رجع حالتي كتير اتوازنت الموضوع شوي لما بلش يكبر عمري بال25 و26 سنه وطلوع كتير صار يخف الموضوع اليوم نحن بنحكي بتفاصيل كمان تصير الموضوع اللي كان صار مقلق وبالعكس رد الفعل الطبيعي انه ليكوا ما صار شئ كيف الواحد بيداري ولد صغير انه ما خايف انه ليك هاي الشغله هيك شوف المسها فحالوت كتير اشتغل بهذا الموضوع عن التفاصيل فلقيتها انه عم تنجح وتخفف من حاله القلق عم كتير حاله ارتياح انه اه اعالج القصه انه اه عالجها اكتر فصار متعه بالقصه الواحد بيشتغل علي شئ داخلي بينه وبين حاله اخدت حيز طبيعي كتير الموضوع ما عاد بياخد اي حيز من حاله القلق صار حاله حرص فيني قول انا بحافظ علي اشياء موجوده بحياتي وبنظام حياتي معي موقع معي قصه ساعدني انه انا كونبتفاصيل ما تزعج الاخر انه ما فينا ما نحس تجاه الشخص المقابل انه فيني نبذ في رفض انه لا الموضوع ما بيخصك الك ابدا انه حاله ارتياح عندي بتمني تطبق مثل ما هي بشكل او باخر بينكسر هذا الموضوع وخاصه لما بنروح لموضوعات في لما يكون حتي اصدقاء عندنا كتير قراب واللي شاركونا بفترات كتيره بحياتنا بيكونوا فهمانين هاي التقلبات الواحد بصراحته بالموضوع من الاول انا 123 هادول القصص بحبن وهادول ما بحبن لانه قادر يعرف انه هذا الموضوع ما مؤذي بدي ريح الشخص التاني فمجرد التعامل اليومي ويصير حدا قريب بحياتنا بيصير الموضوع كتير اخف انه يفهم الموضوع ويتعامل معه بشكل بسيط وما يشكله بانيك انه مرفوض وعنده مشكله لا الموضوع المشكله ما عندك واساسا هي مانا مشكله وهي شئ طبيعي كتير ورايق وهي وجهتها انا كتير بستمتع فيه يعني بنبسط بشكل او باخر

" زكريا الديب "

 

اوك في عندي صديقه عندها وسواس مره قالتلي وعبرتلي يعني انه هي اوك هي عندها وسواس بس هي بجو وببيته مثل ماقولته بمساحتها لخاصه لكن لما تروح عند اصدقاء عفايشيه مثلا او غير مرتبين بترتاح نفسيا انه هي منا مسؤله عن هاي المساحه فبتقدر ترتاح نفسيا انه قاعده ومنا مسؤله عن هاي المساحه وما عندها مشكله تشوف هاي الفوضي حالها فمبعرف قد ايش هالشئ صح بحالتك او انه جربته او عيشته ؟ " مها فطوم "

 

لا ابدا حتي من القصص اللي كتير مهمه انه لما بروح عند حدا اذا ما حسيت الموضوع مرتب فأنا باخد حيز انه اذا في فوضي فانا بروح رتب الفوضي وبقعد او علي الاقل اخذ مساحتي اللي رتبتا ونضفتها وبعدين بقعد فالموضوع بضل اريح يعني فيني اتجاوز يعني المرحله لما كان كتير زاد هو فمثلا اوك خلاص الموضوع نص ساعه بس اتحمل زكريا شوي ما بياثر فتره روق بس حتي بزيارات مستمره يومين 3 عن حدا اصدقائي عن حدا او هيك لازم قوم بحاله تنضيف بمكان معين ورتب القصص بشكل رواق وقولتلك انه محيط المجتمع متفهم هاي الفكره وما ينزعج ولا انا انزعج ما انا شكلي سلبي يعني اوك برتبها بالنهايه انا مرتب مش عم بعمل عكس انه عم بنزع او حدا مرتب بزعجه ممكن فالموضوع بهاي الحاله بعض القصص بتمر بحاله اعتياد يعني اذا شخص اتعود علي وجود اشخاص حواليه بحالة ترتيب يعني مثلا اتعود علي بيت ومعه وسواس قهري فاغلب الاولاد بيكون عندهم هاي الحاله انه بيخلقوا لحالن مساحه لانن متعودين علي الشكل والتفاصيل فلما بيروحوا لحدا تاني ما بشعروا بحريه فينا ننقول بتجعل الشخص شخصيته تورثه او تاثر فيه فصار يشعر انه مافيني انكر انه ماففي حدا بيضايق من النضافه او الرتابه او القصص المنظمه بس ما الكل قادر يعمل ويوصلها كيف يرتب القصص وينضفها او يساويها او بيشعر ببعبئ ليحصل عليه حاله تاثر باعتياد معين من انه يكون متجذر ما بيقدر يتصرف بهاي القصه يعني ما بيقدر يرتاح ابدا بشكل من الاشكال بمكان تاني مانو حاسه انه مريح او مرتب علي طريقته او مساوي غير قابل فينا نتحكم بشعور هيكون هيكون بس قد ايه درجته وقد ايه ماثر علي حياه الشخص هذا اللي بيلعب الدور

بس هلا في نقطه واحده بتصير انه هي اللي اكتر شئ بصراحه بحسها بتنقص الاشخاص بشكل او باخر هي الوعي تجاه الموضوع انه الاضطراب يختلف عن المرض يختلف عن حاجة معينه عن يعني شو هو الاضطراب بحد ذاته لما نقدر نفهمه انه هو بس عبارة عن شعور معين اوقات او اليه تفاعل موجودة عنا مع حالنا بتخلينا نعمل افعال هي تعتبر مختلفة ما فينا نميزها لا سيئة ولا ايجابيه لانها بتختلف حسب كل شخص هلا في كتير اشخاص حتي بهاي المقابله الناس بتستغرب انه مثلا انا عم بحكي بهاي التفاصيل او بهاي المواضيع بشكل او باخر لانه حاولت كتير اسعي بفهم الشخص بشكل او باخر انه ليه هو عم بيشعر برفض اذا في قدامه حدا عم بينضف او عم يبخ ايديه بعد ما سلم عليه اكيد حقه وشعور بينتاب اي حدا فكتير حرذت انه ما يكون ظاهر ولا يكون اله علاقه لحتي ماحسس الشخص بهذا الموضوع لما ما فيني ضل اشرحله يعني ما فيني اقول لشخص مرحبا انا معي وسواس ما تزعل بحمل لافته وبمشي كتير صعب اذا ما كان في وعي بهذا الموضوع بيفكروا اني مع مرض خطير لانه ما عندنا وعي تجاه اسم المرض غير انه بيمرأ بنكته او هاي القصه يمكن اوقات تعاملنا مع الموضوع كاشخاص عندنا ميول معين لهاي الحاله بدها حاله حرص اكيد بدها حرض علي الاخرين ليصير قبول يعني النكت الكتير دايما بتصير معي انه في اشخاص بتسالني مثلا زرتهم بالبيت او شئ قصه انه والله جبنا الغرض الفلاني هيك فانا من غير ما اطلع عليه اقوله ايه حلو مرتب وظريف فهنن انت ما شوفته لا انا شوفته وشايفه وماعبرت عن الموضوع بس تحسس اني ما بدقق علي التفاصيل هالقد فبيصير انه لا والله في شئ غلط لا والله ما في شئ غلط انا شايفه هيك بس قادر اتحكم بشو احكي كيف عبر عن المواضيع تيصير الموضوع كنترول ما ينفر الاشخاص قولتلك انه كتير عالم تستغرب في وسواس قهري بالموضوع وهادول القصص هادول القصص هي مانه هيك حب انك تعرض لا هي شئ اذا ما عملته بيعملي قلق فكتير تفاصيل بيصيروا بشكل يومي انه العالم بتسالني عن تفاصيل في شغله مرأت كانت كذا ايه لو كانت موجودة بالمكان الفلاني يمكن كانت اترتبت بشكل اكتر انت متذكر اساسا ايه متذكر كان شكله كذا ولونه كذا بيكون عندي محاكمه لو كانت هيك عاطي للحاله تقيما هون ارتب هاي الشغله اظبط بس العالم بالنهايه دايما مستعده تسمع راي في تكون معترض من هذا الاطار وقت حدا يسال ايه فبنبسط حتي لما العالم مع الوقت تسالني انه عندي هادول الاغراض برتبهم مع بعض بس هيك ولا هيك لا والله هيك منيح هيك ظبطت تحس في ادوات للتميز اكتر من انها حاله رفضت انه عندك اضطراب ليش ما يعني انه شئ سلبي في كتير من انواع الاضطرابات تحدث حاله ايجابيه مفرطه لمرحله الشخص بيصير متميز بتصير نقمه عليه انه يتميز بهاي النقطه يمكن لانه دراستي طب وعملت هادول القصص كتير قدرت اعمل ميكس معين انه افهم الحالات انه في شئ طبي وشو الطبي وشو فرقه عن الحاله العامه اللي فيها كميونكيشن وتساعد بشكل او باخر عن الموضوع ما بقدر اجزم بس بحس ايه انه في تفاصيل معينه في حياتي عم تدعم اني كون مريح بهاي الحاله وما افرضها علي اشخاص اخريين فطلعت هاي الاجابه فينا نقول بشكل او باخر

اذا كان في شخص شاعر بقصص يعني مختلفة عنده او متميزه بيشعر انه ما بس ياخدها بشكل سلبي في عندي اصدقاء واشخاص بيكون عندهم مواضيع معينه مختلفه بس هي تكون عنجد شئ ايجابي بشكل او باخر بيكون في ميزه بهاي الموضوع بس اليوم اللي ما يكون في عندنا وعي او كانت عم توصل لحاله قهر كامل ما بيضر الموضوع يروح عند شخص معالج يعمل كنترول علي الموضوع يعمله حاله تحكم بشكل او باخر بس هذا الموضوع اوقات هو بحد ذاته بيتحول لأداة جيدة ۔ " زكريا الديب "

 

رح اتركن هلا مع مساهمه المعالج انفسي محمد السيد في حلقتنا لليوم " مها فطوم "

 

مرحبا هلا الوسواس القهري يعتبر بالنهايه واحد من الاضطرابات اللي هي جزء من اضطرابات القلق يعني احنا نستطيع ان ننظر الي القلق علي اساس انه هو مظله كبيره تحته في كتير من الاضطرابات واحد من اهم الاضطرابات اللي تم بث عنها القلق هو الوسواس القهري الوسواس القهري هو عادة ترافق شيئين مع بعضن اولا افكار او مخاوف او اندفاعات يعني احساس بحاجة قوية انه انا اعمل شئ معين ثانيا سلوكيات وهاي السلوكيات انا بقوم فيها بشكل متكرر مع ادراكي لتفاهتها وانه هي لا تفيد هلا هادول الاتنين مع بعضهم وقت ما يكون تقود الي تاثر بحياتي اليوميه او تقود الي شعوري بالضيق شعووري بالانزعاج منكون نحن بهاي الحاله عم نحكي عن وسواس قهري هلا في حال اختفي واحد من اي شئ ذكرته سابقا نحن هون ما بنكون قدام وسواس قهري بنكون نحن قدام شئ تاني ممكن يكون بيشبه الوسواس القهري او يعني اي يكن عادة مريض الوسواس القهري بيكون صعوبه بأنه يوقف هاي السلوكيات او يحسن يتحكم بهاي الافكار الوسواس القهري يعيق الحياة اليوميه انا عندي بعض المرضي علي سبيل المثال ممكن يقضوا يوميا بالحمام مشان يغسلوا ايديهم او يتوضوا او اي سلوك اخر حوالي 9 ساعات او 10 ساعات يعني حوالي نصف يومهم وفي كتير انواع للوسواس القهري ما شرط يكون كله وسواس مثل ما بنقول نحن نظافه او انه الفكره بتكون انه انا ملوث او انا قذر احيانا ممكن يكون في شك احيانا ممكن يكون شئ له علاقه بالغيره احيانا في ممكن يكون افكار وسواسيه الها علاقه باندفاعات مثل نتف الشعر مثل قطع او قشط الجلد انه يقلع جلده فهاي كلها تندرج حقيقه تحت الوسواس القهري البعض الفحص يعني انا بعض المرضي اللي اشتغلت معهم خلال علاج بيكونوا لازم يشيكوا مثلا علي جرة الغاز علي قفل الباب علي الضو اذا كان طفي ولا لا البعض ايضاي بيكون عنده سلوكيات خاصه بالعد البعض بيكون عنده حتي علي مستوي الكلامي انه لازم يعيد الجمله او كلمه اكثر من مره حتي يشعر بالراحة ويتجاوز وطبعا الوسواس القهري بيكون في اله درجات بيكون في اله الشدة تتحول او تتغير بين شديد جدا او متوسط جدا او خفيف ولكن هو في كل هاي الحالات لازم يأثرعلي جودة الحياة او علي قدرتها علي الحياة بشكل طبيعي هلا هون في نقطه لازم احطها هيك يمكن بناء علي الضيف اللي اتفضل في الوسواس القهري يقع في منطقة لازم نميزه عن السعي الي الكمال او الكمالية عن اضطراب تاني اسمه اضطراب الشخصيه الوسواسية عن الاشخاص اللي بيكون في عندهم احيانا بس انه مرتبين مثل ما بنقول بالعاميه او منظمين فنحن ممكن نتخيل هذا الموضوع علي شكل سلم ناس العاديين اوك ؟ طبيعين الناس اللي عندهم مرتبين مونونين هدي المستوي الثاني طبيعين المستوي الثالث اللي هنن اشخاص كماليين اللي هن بإىده ك شئ يكون كامل علي الابره مثل ما هو وهون بلش نحكي ببعض اشكال المشاكل السلوكية وليست اضطرابات نفسية بعدين بنروح الي اضطراب الشخصيه الوسواسيه واضطراب الوسواس القهري فاتنينتهم هادول يعتبروا اضطرابات الاسباب الخاصه باضطراب الوسواس القهري ما في ايجابه واضحة ومحدده لكن البعض بيشوف انه مثل ما اشارتي ايضا مع الضيف الكريم انه ممكن يكون التعلم اله دور كبير وهون لازم ما نخلط بين شغلتين اللي هي دور التعلم في الطفوله ودور النمط الوالدي في الطفوله دور التعلم المقصود فيه بانه يكون في ام او اب او اخ اكبر نموذج وسواسي او كمالي فأنا اكتسب وينغرس السلوك الوسواسي والفكره الوسواسيه عندي من خلال ملاحظتن والتعلم منن ومن خلال انه انا اشوفهم او اقلدهم هلا المستوي الثاني اللي هو نمط الوالديه الدراسات كثيره جدا التي تربط بين نمط الوالد القاسي نمط الولد العنيف نمط الولد اللي فيه اذلال اللي فيه اساءه متكرره اللي فيه مطالب عاليه من الاطفال هادول الاطفال لما يكبروا بيصير في عندهم وسواس قهري فهذا خلينا نقول واحد من اشهر الاسباب اللي هو التعلم والنمط الوالدي اللي يمتاز بالعنف او بالقسوة ايضا الوراثه تلعب دور في الوسواس القهري وفي اضطرابات القلق كلها يعني وجود احد اقارب الدرجه الولي الي عندهم وسواس يزيد من احتماليه انه الطفل او الشخص يكون عنده وسواس قهري احيانا بنوصل لنسبه 3 اضعاف حتي لو كان هذا الشخص ما شاهده الشخص المريض بمعني انه في ابن اثناء حمله اتوفي الاب فلنفترض فالاب كان عنده وسواس قهري هذا الابن ما شاف الاب اساسا احتمال ان يصاب بالوسواس القهري هي 3 اضعاف او ضعفين اي طفل اخر في جوهر الوسواس القهري هو حاله من الصراع دائما نحن بنقول انه الوسواس القهري يصيب الموضوع المهم بالنسبه للمريض فأنا بيكون عندي وسواس نضافه لما يكون عندي قضيه النظافه قضيه مهمه يكون عندي وساوس دينيه لما يكون القضيه الدينيه عندي هي قضيه مهمه فاهميه هذا الموضوع قد تاتي من الوراثه قد تاتي من الوالدين قد تاتي من النمط الوالدي او التعلم وغيره فهذا بشكل عام ما يتعلق باسباب الوسواس القهري المرضي طبعا التعرض للصدمه النفسيه ايضا يزيد احتماليه انك تصاب بوسواس قهري لاحقا ولو انت ما عندك اياه من قبل يعني شخص عمره 25 او 30 او 40 تعرض الي صدمه نفسيه معينه بعدها يزيد احتماليه ان يصاب بالوسواس القهري عموما الوسواس القهري مثل ما قولنا يرتبط بالصراع النفسي يرتبط بالقلق يرتبط بالتوتر وحقيقه العلاج بعلاج الوسواس القهري نحن نتكلم عن علاج دوائي ونتكلم عن علاج معرفي سلوكي او علاج غير دوائي او علاج سلوكي وغيره وهون ايضا هرجع لقصة الضيف الكريم بانه اللي مارسه حقيقه لما تكلم عن قضيه انه كان بيضطر انه يكون بالغابه علي سبيل المثال او مكان في طبيعه وهو ما يحسن يغسل ايديه فورا ويواجه شعور القلق الناتج عن عدم قيامه بالشكل المطلوب هو واحد من تيكنكات العلاج هو الفاصل الزمني بين الاستجابه او السلوك القهري وبين الفكره تاتي الي المريض فكره انه بحتجه لاغسل ايدي وهي قذره او توسخت فيؤجل المو       ضوع قدر الامكان فهو كان بيطبقه حقيقه ووجود بعض المهن زي طب الاسنان او المهن الطبيه نحن نشهد انه الوسواس القهري يزداد عندهم قياسا عن باقي الجامعات والسبب انه البيئه تؤثر نشوف انه مريض الوسواس القهري يكون يعمل في بيئه مخابر وبيئه فيها تعقيم ايضا هذا واحد من العوامل والضيف الكريم كان يدرس تماما في طب الاسنان وهذا يعزز من احتماليه انه يظهر عنده الوسواس فكره الوسواس القهري الاساسيه والتحدي فيها وهذا تعقيبا علي قصته التحدي الاساسي هو انه يبدا ياكل من ساعات يومنا شوي شوي ويعيق تواصلنا وعلاقتنا مع الاخرين مشكلته بانه هو ناتج عن قلق يعني قد شخص يكون عنده ال 15 سنه اعراضه وسواسيه مسيطر عليها زي الضيف انا ما عندي ضغوطات كبيره انا عندي اداه اوازن فيها ضغوط حياتي مع التفريغ مع التوتر الناجم لكن المشكله بتكون بترك الاعراض الوسواسيه في بدايتها غير معالجه لانه في لحظه من اللحظات عندما تزداد الصراعات النفسيه قد تنفجر الحاله الوسواسيه وهذا دائما نحذر منه انه نعم ممكن للبعض يستفيد من الحالات الوسواسيه شوف انه كتير انا بدير بالي علي النضافه فهما يمدحوا فيني انا اعمل في التصوير فانا انتبه علي التفاصيل هون عمليه استثمار الخطر بيكون انه هذا  الشخص عمل حاله توازن بين الاعراض ومصادر الضغوط ونمط الحياه الحالي لكن مذا لو صار تغير في نمط الحياه اعطيكي مثال اليوم بعد الزلزال اللي صار بعض الاشخاص اللي هن عندهم اعراض وسواسيه مسيطره عليها اذا وضعوا في هذا الموقف وانحطوا في مكان مضطرين يناموا يومين او تلاته في مكان في رائحة سيئه في مكان في عدم ترتيب ملجا مثلا كيف سوف يعيشوا هذه الايام وهل هيكونوا بهذا الوقت هن فاضيين متاحين وقت يتعاملوا مع اعراض وسواسيه لهم 10 سنين يتعايشوا معاهم هذا دايما ما نحذر منه لانه الاعراض الوسواسيه من الاعراض الممكن استثماره في درجاتها الخفيفه ولكن اهمالها هو قنبله موقوته لا تعلم متي تنفجر وعوامل انفجارها خارجيه يعني عند السيدات الحمل الانجاب عند المراهقين البلوغ عند الراشدين موضوع ايقاله من العمل ممكن الطلاق الوفاه المفاجئه ظروف الحياه العامه تهديدات فهي كلها عوامل غير قابله فترك الاعراض الوسواسيه لاني استطيع ان استفيد منها حاليا هو مخاطره كبيره جدا لانه بالنهايه انت بعيدا عن العامل الوراثي اذا في وسواس تورثه لابنائك وجود تغير حاد في حياتك غير مسيطر غير مخطط له قد يؤدي الي انفجار الحاله الوسواسيه وهو ايضا نقطه يعتبر اعلي درجه من درجات القلق يعني في طيف من الاضطرابات التي تترافق مع القلق القلق بحد ذاته الفوبيا التي تنتمي له والصدمه النفسيه هناك الوسواس القهري تنتمي ايضا الي اسره القلق الوسواس القهري يعتبر هو الشكل الحاد الاعلي من القلقيات فهو يعتبر اليه او ميكانيزم لماذا يصاب الانسان بالوسواس القهري اصلا هو اليه الهدف فيه انه دماغنا يسعي للتكيف مع الضغط النفسي الشديد فيفرغ هذا الضغط عن طريق سلوكيات فهو يدل علي حاله قلق بلغت ذروتها فالدماغ دافع عن نفسه عن طريق اندفاعات وسواسيه وايضا المعانده علاجها ما بيكون في فتره قصيره وكمان معاوده ممكن بعد التعافي نركز كثيره من النحيه العلاجيه علي الاسس اللي ولدته اذا كنا نتكلم عن صراع النفسي نتكلم الي حل الصراع النفسي ونسعي الي تحرير المشاعر المتعلقه بالطفوله لكي لا يعود الوسواس مره ثانيه بشكل اخر او شده مختلفه هو من الاضطرابات المعاوده والمعانده وهو علاجه مش صعب مش كله يحتاج الي ادويه نفسيه وغالبا هي ادويه القلق والاكتئاب والتركيز في اكتر عن العلاج السلوكي والعلاج الدوائي بمفرده يكون غير مفيد في حالات الوسواس القهري ختما اللي سمعته من الضيف طبعا في مكونات الوسواس مسيطره عليه او تتم ادارته طبعا المسسببات في كتير اسباب من اللي سمعته من الضيف انه نقول هذا السبب او هذا لكن رساله انا استغل هذا المميمبر رساله لكل الاشخاص اللي يظنوا انه عندهم اعراض وسواسيه انه طلب الاستشاره موضوع ليس معيب وطلب المساعده ايضا يساعدك في تخفيف حاله التوتر والقلق اللي بتكون عندك كمريض وسواسي دور حضراتكم الاعلامين دور مهم جدا هذا البودكاست او غيره من المنصات طرح هذا الموضوع وازاله الوصمه انه الوسواس هو حاله طبيعه يصيب اي شخص في اي مرحله من عمره احنا 3% من الاشخاص يصابوا بالوسواس مره بحياتهم علي الاقل فهو دور مهم بتعريف ما هو الوسواس والتعامل مع اتمني بالختام حياه سعيده وطيبه للجميع شكرا لكم تحياتي " محمد السيد "

 

شكرا الكم لحسن استماعكم واهتمامكم مع ذكريا رح نختم سلسله نفسيتي اولا  انتظرونا بسلسة جديدة لبودكاست صارت معي

 

هلا لوقتها ضلوا بخير واسمعوا الحلقات السابقه عبر زياره موقعنا أخبار الان في

قسم بودكاست ۔أو من خلال تطبيقات البودكاست المختلفة

مثل أبل بودكاست إذا كنتم حمله ايفون، أو جوجل بودكاست اذا نظام موبيلاتكم

 

أندرويد أو من خلال ساوندكلاود ، ديزر ، أنغامي ، سبوتيفاي

شاركوني أفكاركم وتعليقاتكم واتواصلوا معي عبر الواتساب

00971568531592

بالإعداد والتقديم برافقكم دايما أنا " مها فطوم " اللي اللقاء ۔