كيف تتشافى شام من اضطراب القلق المعمم؟

مها فطوم

شام السلوم صبية سورية مقيمة في تركيا طالبة جامعية وتعمل بشركة خدمات طلابية، تشاركنا في بودكاست صارت معي ضمن سلسلة نفسيتي أولاً تفاصيل رحلتها مع اضطراب القلق المعمم من لحظة إدراكها أن الأمور ليست على ما يرام إلى المرحلة الحالية التي تعتبرها شام أنها مرحلة التعافي التدريجي منه، وتستمعون في نهاية الحلقة لمعلومات حول اضطراب القلق المعمم من الأخصائية النفسية هيفاء حديفة.

تابعوا البرنامج على تطبيقات البودكاست

كيف تتشافى شام من اضطراب القلق المعمم؟

بمشاركة الأخصائية النفسية هيفاء حديفة

دبي (أخبار الآن)

شام السلوم صبية سورية مقيمة في تركيا طالبة جامعية وتعمل بشركة خدمات طلابية، تشاركنا في بودكاست صارت معي ضمن سلسلة نفسيتي أولاً تفاصيل رحلتها مع اضطراب القلق المعمم من لحظة إدراكها أن الأمور ليست على ما يرام إلى المرحلة الحالية التي تعتبرها شام أنها مرحلة التعافي التدريجي منه، وتستمعون في نهاية الحلقة لمعلومات حول اضطراب القلق المعمم من الأخصائية النفسية هيفاء حديفة.

كيف كانت رحلة شام في التعافي؟ لماذا اختارت العلاج الدوائي؟

ما أسبابه وعوارضه؟

ما هي أفضل التمارين للسيطرة عليه؟

*“نفسيتي أولاً” هي سلسلة نقدم من خلالها تفاصيل تعايش أشخاص مع أمراض نفسية واضطرابات مختلفة بمشاركة مختصين وأطباء في هذا المجال.

إعداد وتقديم: مها فطوم

الإخراج الصوتي: جو الحاج

الهوية البصرية من تصميم مديحة طه

الإشراف العام: محمد علي

نص الحلقة :

صارت معي مع " مها فطوم " بودكاست أخبار الأن
طبعا بكون عم بحكي مع الشخص بشكل طبيعي مثل أنا هلا عم بحكي معك بس بيكون في ملفات في قلب دماغي كيف شاشة الكمبيوتر بتفتحيها صفحه ورا صفحه ورا صفحه نفس الشئ
اللي بتذكره من 3 سنين اني دخلت لعند الطبيب وأنا فعلا كنت فارطه
اللي زعلني وقتها انه قالي انتي عمرك لسه 20 سنه وهذا المرض اعراضه ما بتبين الي لواحد كبر وصار عمره فوق 30
" شام "

سمعتوا صوت " شام " صبية سوريه مقيمه في تركيا طالبه جامعيه وتعمل عمل جزئي معتمدة علي نفسها لتكمل دراستها في بودكاست صارت معي ضمن سلسله نفسيتي أولا بتشاركنا تفاصيل رحلتها مع اضطراب القلق المعمم من لحظة ادراكها أنه الامور مش علي ما يرام الا المرحله اللي بتعتبر نفسها فيها عم تتعافي تدريجيا نفسيتي اولا هي سلسله عم يحكوا فيها ضيوفنا تفاصيل تعايشهم مع امراض نفسيه واضطرابات مختلفه بمشاركة مختصيين واطباء في هذا المجال تستمعوا باخر الحلقه تفاصيل اوسع من الاخصائية النفسية هيفاء حذيفة حول اضطراب القلق المعمم وتجربة شام سوف نتعرف ايضا في خلال الحلقه حول اسبابه عوارضه وافضل تمارين للسيطرة عليه والبداية مع شام وسبب قرارها الذهاب الي طبيب نفسي ۔ " مها فطوم "

مرأت بفترة تصادميه تعرضت فيها لموقف خلينا نقول مشكله ادت الي انه تفتح عيوني الي اشياء ما كنت بعرفها في حالي او اشياء ما كنت بعرف انه هي فعلا موجودة يعني انا فعلا قبل 2020 بلشت علاجي عند الطبيب في شهر 11 في 2020 قبل 2020 كنت بفكر أنه أنا حدا طبيعي والافكار اللي تيجين انه انا حدا كتير بيفكر بالناس اللي حواليا وبنظره الناس عني كنت بفكر هذا الشئ طبيعي انه انا مثلا كون مستعدة اني انا اترجي الشخص انه يخليني موجودة بحياته او انه بغض النظر شو كانت الاسباب كنت بمر بفترة مثلا انه انا وانا صغيره بفتره الابتدائي والاعدادي والثانوي انه بعض الفتيات يرفضوني يرفوضوا وجودي
فأنا اتعقد من الموضوع انه لا انا لازم كون موجودة وهادول الاشخاص لازم يكونوا موجودين بحياتي في 2020 صارت مشكله للاسف جدا اثرت علي صير حياتي بشكل طبيعي ولكن خلينا نقول انه شكرا للمشكله انه صارت احيانا نقول للموقف السئ شكرا انه احنا مرينا فيه لانه لولا مرينا فيه ما كنا اكتشفنا اشياء كنت عم فكر روح لطبيب او لا عالج الموضوع او لا هلا الموضوع انا مثلا هل وضعي انا طبيعي بقول لحالي اي طبعا طبيعي اللي بيمر بظروف صعبه من اشخاص كتير حواليه ومن اشخاص قريبين طبيعي جدا ولكن وصلت لمرحله اني ما عاد نام ما عاد في عندي نوم طبيعي قالي الدكتور وقتها انه هذا اقصي شئ انه عوارض المرض عندك مبلشه كانه يعطيكي اشارات هذا الشئ فيكي بس انتي ما منتبه انه انا ما عاد انجزت بشئ ما عاد شوفت حالي انا شخص نافع بهاي الحياه وحاولت انتحر ما كنت عارفانه السبب وكانت ظروفي بلشت تتحسن كنت بلشت بعمل وكنت بلشت بامور اني استقر بمنزل لوحدي اتعرف علي ناس جديده ناس واعيه بعدين اخدت قرار انه انا خلاص الفكره انه انا ما اخدت راي حدا ما كان في حدا بيدعم هذا القرار يعني انا وقت ما خبرت العالم اللي حواليا انه انا ما عم باخد اذنن انا راح اليوم الفلاني راح روح عند الطبيب ورح شوف الطبيب شو بيقلي وفي ناس انصدمت انه انا رحت لعند الطبيب والطبيب واحد اتنين تلاته اول ما فتت لعند الطبيب الطبيب سالني شو سنك قولتله عشرين فالطبيب اللي روحت عنده كان كوني اني انا عايشه بتركيا فكان صعب جدا انه نروح لاطباء اتراك لاختلاف اللغه واختلاف الثقافات اشياء كتير بتكون غريبه وانا كمان لغتي التركيه ما بتسمحلي ارح لطبيب تركي وقلال جدا الاطباء السوريين الاطباء العربين الموجودين بتركيا
فتت لعنده للطبيب بلش يسالني هو اسئله اسئله عن حالتي عن الاشياء اللي عم حس فيها سالني سؤال قالي عم نفرض انه في حدك شخص مع مجموعه ناس انتي بتحبيهم وبتحترميهم اجوا قالولك انتي حلوه وظريفه وكل شئ بتردي عليهم صح قولتله ايه برد عليهم وبعرف انه انا بنت جميله وظريفه وهيك قالي طيب اذا جه احد غريب قالك انه انتي مالك او انتي حدا ما نو ناجح كيف ردة فعلك ردة فعلك هتكون عنيفه صح يعني انتي هتضلي تفكري بالكلمه ولو انه شخص ما بيعنيني او شخص ما بعرفه شخص ما نو قريب مني جاي قالي انتي حدا مانك ناجح بالحياه اي فعلا انا بضل الجمله تدور وتدور وتدور بدماغي حتي ترسخلي فكره انه انا حدا ما نو منيح بالحياه هو شخصني انه انا حدا عندي اضطراب القلق المعمم ادي لاكتئاب عام فهو اول جلسه كتبلي ادويه لاني ما كنت عم بقدر نام لدرجه انه قالي انه هلا اني اتعالج عند الطبيب جلساتي كانت مرتبين بالشهر هلا حاليا جلساتي بقت كل شهر ونص اخر جلسه كانت قالي شام انتي دخلتي عندي كنتي شخص موصل لمرحله كتير صعبه وبتمني اني اكون ساعدتك اللي بتذكره اني من 3 سنين اني دخلت عند الطبيب وانا فعلا كنت فارطه يعني داخله لعنده وانا محضره اني بدي ابكي عنده مو لاني بدي فرغ طاقه لا انه انا تعبانه انا بعرف اني عندي مشكله بس ما بعرف شو هي ما عندي القدره اني حدد شو هي المشكله اللي عندي ما هو لهيك بنروح لعند اطباء لحتي يساعدونا بهذا الشئ انه احنا عندنا في مشكله في منطقه معينه وهو يعطيني الحل اللي زعلني اكتر انه هو قالي انه عمرك 20 سنه وهذا المرض اعراضه ما بتبين الا لواحد عمره فوق ال 30 لكن للاسف هو موجود عندك واعراضه جدا صعبه كانت " شام "

طيب انتي ليش كان بدك طبيب ما بدك معالج مع انه الناس بالبدايه بيحبوا يروحوا لاستشاري او اخصائي نفسي يعني مو طبيب مباشرة " مها فطوم "

لانه بصراحه اول شئ انا بلحق دائما احساسي انا في عندي اصدقاء دارسين علم نفس بيعرفوا يساعدوا الواحد بس مو بالطريقه اللي بدي اياها يعني انا كنت حاسه اني بحاله علاج دوائي لانه قولتله للدكتور انا عملت كل شئ انت بتتوقعه وما بتتوقعه لحد اخذ هذا القرار اني اجي لعندك في ناس صاروا يقولولي لا انتي لازم تقربي لرب العالمين لان هذا الشئ له علاقه بالبعد الديني طبعا هذا الفكره ما مغلوطه لانه الموضوع ماله علاقه ابدا بفكرتنا وفكره ايمانا موجوع او نحن شو بنفكر او نحن بشو بنأمن فهو قالي انه انتي شو وصلتي قولتله انا حاولت اني انا حتي التزمت بالرياضه انا عاده ما بحب اعمل رياضه التزمت بالرياضه انه صيرت ارجع من شغلي اكل اتمشي حد بيتي انا بيتي كانه حده بحيره اتمشي حد البحيره اشرب قهوه او شاي كنت بعمل هذا المجهود لحتي ما افكر بدي دماغي يوقف تماما عن انه يتحرك او عن انه يفكر او انه يذكرني بشو مريت او يقترح عليا اقترحات ما انه طبيعيه او تجييني افكار ما نها افكار عاديه قالي انتي حاولتي طيب تقومي بنشاطات تانيه طيب قولتله ايه انا حدا بيقرا ما قدرت اعمله انا فعلا اخدت لمده شهرين بروتين معين اعمله انه خلاص انا بدي روح لعند طبيب ما بدي روح لعند معالج وبصراحه اكتر كانت الفكره التكلفه الماليه وبصراحه المعالج تكلفته جدا مرتفعه وانا كنت حدا عم يبلش جديد بحياته لحاله عندي عمل تكاليف جدا مرتفعه علي حدا انا كان راتبي 1500 ليره مثلا فحكيت مع احد المعالجين فحكالي انه 550 فانا هيك بهالحظه 550 ليره يعني انا راتبي اصلا 1500 لهيك انا اتجاوزت موضوع المعالجين فبلشت انا عالج حالي لحالي انه علي اساس ممكن يكون الوضع احسن اذا انا ظبطت روتيني ممكن الوضع يصير احسن فكان في شخص انا بعرفه صديق بسوريا بعتلي رقم طبيب اللي بتعالج عنده حالا قالي روحي لعنده واكيد رح يساعدك بهذا الموضوع وانه ترتاحي ماليا ما رح تدفعي هاي المبالغ الكبيره ۔ " شام "

طلبت من شام انه تخبرنا اكتر عن اضطراب القلق المعمم " مها فطوم "

اضطراب القلق المعمم هو بيصيب الشخص من الطفوله يعني ما بيجي من جديد يعني ما بيكون هلا انه خلاص بدي يصير معي اضطراب القلق هو بيكون من الطفوله بسبب صدمات بسبب عدم الاستقرار وعدم الامان طبعا اهم شئ قاله لي الدكتور حسيت انه عم يحاول يلطف علي الجو قالي انه اتعرضتي لاشياء صعبه بس بتقويكي لبعدين بس للاسف انه صار معك هاي الشئ قالي طيب شو الشئ اللي صار معي قالي فقدان الوالد والوالده هو السبب الاول فقدان الامان وعدم الاستقرار طبعا لانه حكتيله شوي عن طفولتي شو كنت اعمل وقت كنت لحالي مثلا او وقت اللي كنت طفله كيف كنت اتعامل مع اموري لما كنت طفله وكنت لحاله بلش الموضوع معي من زمان لدرجه انه لما اعرف شخص بيزعل مني ضل دبئانه الموضوع انه لا لازم هذا الشخص ما يزعل مني ولازم هذا الشخص ما يفهم الجمله بالشكل اللي هو حابب يفهمه طبعا انا بكون بحكي بشكل طبيعي مثل ما بحكي معك بس بيكون ملفات في دماغي كيف شاشه الكمبوتر لما تفتحيها تفتح صفحه ورا صفحه ورا صفحه نفس الشئ انا دماغي هيك هذا الكلمه معناها كذا لا هذا الشخص ما بيعني معناها الحرفي لا هو بيقصد مثلا انه شام فاشله بشئ معين ما عرفت تظبط شئ لانه ما بتعرف لا لانه شام حدا فاشل ترجمه الكلام من شئ صح لشئ غلط ترجمه التصرفات والافعال وحتي الابتسامات يعني الان بلشت يعني ادارك للموضوع بعد 3 سنين بلشت هيك شوي سيطر علي الموضوع انه الطبيب طبعا غير الادويه عطاني شويه تمارين قولت لازم التزم فيها ولكن بالوقت اللي بتذكر فيه وبقدر التزم فيها للاسف شئ كتير صعب شئ كتير صعب انه نمر بهذا الشئ ونحن مو عارفين اصلا لدرجه انه قبل ما اروح للدكتور انه هذا من شخصيتي هذا الشئ موجود مع شام هو خلق معي الفكره انه ما خلق معي هو صار معي بسبب الظروف اللي انا كنت ماره فيها لدرجه انه بتذكر حدا من اقاربي كان بيتعامل معي باسلوب معين وهو بيعرف انه هذا الاسلوب غلط اسلوب الضغط مثلا هذا اسلوب غلط انه تتعامل فيه مع طفل فلا هذا الشخص يتعامل معي باسلوب الضغط انه انا بدي اضغط علي شام او حسسها انه مالها قيمه لحتي تعمل اللي انا بدي اياه فبسبب هاي التصرفات انه انا صار معي بعدين انه انا بعملك كل اللي بدك اياه لتكون رفيقي او تكون معي للاسف شئ كتير صعب ما بتمني اي حدا يمر بهاي التجربه وما بتمني اي حدا يكون عم يعاني نفس المعناه لان هي فعلا معناه للاسف كمان مجتمعنا ما كتير بيتقبل فكره انه نروح لعند اطباء يعني انا مثلا بتذكر انه كانت شريكتي بالغرفه قولتله انا روحت لعند طبيب قالت لا ياشام توقعت اعقل من هيك ! ففكره انه توقعتك اعقل من هيك انه عندي شئ غلط بعالجه بشئ غلط طبعا التشتت من اهم الصفات اللي موجوده لهاي المرض انه بنكون بنفكر بفكره معينه ففجاه نلاقي حالنا بمكان يبعيد عن الفكره اللي نحكي فيهات والقلق انه خوفي من انه ما انجح خوفي من انه ما اعمل شئ مهم ما اعمل شئ يخلي العالم يكون فخوره فيني ما يخليني فخوره بحالي حتي يعني اي انجاز مثلا انا بعمله كل الناس مثلا بتباركلي عليه انا ما بشوفه انجاز " شام "

طيب انتي قولتيلي لما كنا نحكي من فتره انه انتي حابه كتير تحكي عن الموضوع لانه في كتير اشياء بتغيب عن بال العالم حابه توضحيها يعني عن التجربه " مها فطوم "

ايه اوك اول شئ تصرفتنا مع العالم اللي حوالينا يعني اللي خلق عندي هاي الشئ هو تصرفات العالم اللي حوالينا او معامله بعض الاشخاص لالي من وانا طفله عدم احساسي بالامان او عدم احساس الشخص بالامان والاستقرار هو السبب الرئىسي للناس اللي ممكن تمر فيه يعني مثلا كان يقولو انه عادي طفل هاد ما رح يحس بشئ او ما راح يفكر بشئ لا احنا للاسف الفكره بتبلش عندنا بالطفوله ولكن ما بيكتشفوها الا بعد عمر كتير طويل بيكون طبعا هو بيكون من جوه عم يتعذب يعني هلا انا شريكه بالبيت انا مضايقتها بشغله واحده انه انا باجي كل 10 دقايق مثلا في شئ زاعج مني في اي موقف انا عملته ازعج قوليلي وين النقطه اللي بتزعجك علشان اتجنبها خوفنا من ازعاج الاخريين احيانا بيخلي العالم يستغلونا يعني بالوضع الحالي ما كنت قادره اعمل اي علاقه طبيعيه مع اي حدا ما كان عندي القدره انه اعمل صدقات جديده او اتعرف علي شاب جديد كنت خاف كنت مفكره انه هيك خلاص انا ما بدي اتعرف علي حدا انه بنخاف الناس ما تفهمنا او نخاف انه هذا الشخص اللي انا حبيته ما يستوعب اللي انا فيه فيروح يتعامل معي بشكل سلبي او يستغلني لاله لرغباته مثلا هيك كنت فكر سابقا ۔ " شام "
فيكي تقوليلنا شوي نموذج من التمارين اللي كان يعطيكي اياها الطبيب
" مها فطوم "

اكثر شغلات كان يقولي اياها فكره العد بس العد بالشكل العكسي يعني مثلا كان هو بيعرف في فكره معينه بس تجييني بتوتر ما بقدر اكمل الشئ اللي بعمله بايدي بكون بالعمل ما بقدر اكمل شغلي انه خلاص فكره سيئه بتسيطر علي انه خلاص حياتي بتوقف كل شئ بيوقف قالي شوفيي عندك خيارين انه تصفني شغله 10 دقايق قالي انه انتي تعدي بشكل عكسي مثلا 100 99 98 قالي ما تخلي اي فكره تشغلك بالك غير العد قالي او حطي ورقه وقلم واكتبي الارقام فانتي بتكوني عم تركزي علي الارقام بهاي الفترة وانتي عم تركزي علي الارقام الفكرة بتروح شوي هي بتبين انه عم نتجنب الافكار السيئه انه ما بتجنب انه يكونوا ما بدي ياهم موجودين لا عم حاول خفف تاني تمرين مثلا ممكن تركزي علي لون معين مثلا بالمقابيلك مثلا اه هادا ابيض مثلا هادا اوف وايت هادا رمادي هادا رمادي غامق هادا رمادي فاتح ممكن تركزي علي اشكال دوائر مثلا هايدا بيضوي هايدا مستطيل هايدا قريب انه يكون مربع في عطاني تمرين تاني اني امشي وقف بمكان مثلا وعد الخطوات الروحه رجعه يعني من هون للباب سبع خطوات عدي روحي وارجعي هيك حتي يصيروا 100 خطوه وبدك تشوفي كم مره روحتي ورجعتي ۔" شام "

بعد هالرحلة من العلاج وادراك هاي المشكله اللي عندك انتي قولتي توجيه كلمه لوجه النظر اللي حكتيها كذا مره انه النجاح تتكون ناجح وتتكون فاشل بعد هاي الرحله من العلاج كيف بتقيمي شو يعني النجاح برأيك هل تغيرت مفاهيمك عن الامور هاي او شئ " مها فطوم "

اتغيرت طبعا النجاح هلا صار بالنسبه لالي اني كمل لقدام اني اكون ناجحه مو انه انجح ماده معينه بالجامعه او كذا حاليا هلا هو شئ مفروغ منه انه لازم نكمل حياتنا لقدام بس النجاح انه انا كمل يعني انا ما اوصل بقرنه معينه انه انا خلاص وصلت لون امنت شغل نجحت بموادي خلاص اوك بس وقف وقف مكاني لا كمل كمل لأنه النجاح بالتجاوز اني اتجاوز اللي انا مريت فيه يعني انا بتذكر انه انا هلا ناجحه عن من سنتين لاني انا ناجحه بتقبل الصدمات وعيش اللحظه اكتر من اني فكر لقدام يعني هذا اهم شئ انا بقدر اعمله لانه كمان الضغط الزايد علي حالي بياثر اكتر من ناحيه اني انا ممكن اتعب واني ما عندي القدره اني انا اتجاوز لازم ما اضغط علي حالي خلاص اوك اعملي اللي عليكي ما تفكري بالنتائج علي باللي قدرت اوصله باللي عملته باللي سويته والباقي لحاله بيكمل بينما قبل انا ليش عملت هيك انا لو عملت هيك كان احسن انا لو فكرت بطريقه انا لو اخدت راي فلان وفلان انا لو حكيت عن علم كان احسن بينما هلا انا بفكر انه خلاص انتي عملتي اللي عليكي اشتغلتي درستي طبعا كمان العلاج كمان فادني لالي لوضعي الصحي في عندي احتماليه اني انا انصاب بالعمي الكامل بعد فتره ولكن هاي الاحتماليه الان ما عم فكر فيها لانه يعني يوم اتوقع اذا انا فكرت فيها انا ما رح اقدر كمل او اذا حطيت كل تفكيري وكل مجهودي بهاي القصه انه انا مابدي انصاب بالعمي الكامل فهمي ما نفكر بالاشياء السلبيه في عندنا حياتنا عندنا بدنا تمشي في حياه بدنا نكمل ولازم تمشي لقدام لانه هي الحياه ولكن للاسف هاي الامراض بتهجم علينا هجمه واحده بدها توقفنا عن كل شئ في ناس للاسف منتحره بسبب انه هي ما لقت حدا يسمعها للاسف هي ما قدرت تروح لعند طبيب ما قدرت تشوف هي شو عندها تتعامل مع اللي هي مضايقها تعالج حالها من جوه كمان في شغله انا جديد اتعرفت عليها بحالي انه انا هلا ما عم بتعالج انا ما كنت اتعودت حط للعالم حدود وما اكون شخص مزعج ما اكون شخص مزعج للناس اللي حواليه من ناحيه انه لا انتوا لازم تكونوا رفقاتي او لازم تكونوا حوالي قبل ما اتعالج انه انا بس حدا حد يطلع من حياتي دموع وعواطف مشلخه وبكي وقصص ودنيا هلا لا اوك يعني الله معك انت مثلك مثل اي حدا يعني هلا صيرت اتجاوز كتير امور حسيت انه اكتشافي للمرض فادني بكتير قصص مو بس بالافكار فادني كشام كيف اتعامل مع فقدان الاخرين كيف اتعامل مع تعامل العالم معي انا كشام مع تنمرن مثلا في ناس للاسف تتنمر علي امراضنا النفسيه اعتبارا منن انه ايه والله نحن اصلا فخر الصناعه العربيه لانه نحن ما انصابنا بهذا المرض مثلا هيك بيعتبروا في ناس هيك بتعتبر ۔ " شام "

رح اتركن هلا مع مشاركة الاخصائية النفسية هيفاء حذيفة " مها فطوم "

بخصوص اضطراب القلق المعمم هو اسمه معمم او القلق العام يعني هو بيجمع اكتر من اضطراب اكتر من 5 اضطرابات مع بعضن يعني بيجمع الاكتئاب والقلق والتوتر والفوبيا ونوبات الهلع علشان هيك سمي بالقلق المعمم بدنا نعرف احنا اذا كان حدا عنده اضطراب القلق المعمم وخاصه اذا هذا الشخص بيكون يعني بمرحله من النضج العقلي انه هو مثلا فيكي تحكي معه مش طفل لانه في عندنا اطفال عندها هذا القلق لازم هذا الشخص يعرف يفرق بين لحظات الهدوء يفرق بين التخيل والواقع يا تري هل ما اشعر به مبرر هل المخاوف اللي عندي مبرره يعني اذا احنا مثلا نفترض مثال اذا عندي اولاد واحده عندها مثلا قلق وواحده عندها شعور طبيعي وعادي لنفترض انه اكله اكله قولتلهم يا الله هاي الاكله خالصه مدتها مثلا اللي عنده قلق راح ما ينام كل الليل ويصير يوجعه بطنه مثلا او يصير يفكر انه انا بده يصيرلي شئ لانه الموضوع واحد والتاني بده يفكر انه ان شاء الله ما يصيرلي شئ انه انا مش شاعره بشئ بس ان شاء الله اذا الموضوع واحد ولكن اللي بيختلف طريقتنا بالتفكير نظرتنا للموضوع يعني نحن شو بانين افكار حول هذا الموضوع حول هذا الموقف وقيسي علي هذا الموضوع مواقف كتير يعني انا عم بعطكي امثله علشان توصل الفكره اسرع لنفترض انه انا مثلا عندي حدا بالعائلة بالاسرة عنده مرض خطير طب انا الي مبرر انه انا خاف من الموت مبرر الي انه انا خاف بكل لحظه بحدود يعني طبعا بس مبرر اذا عندي حدا رشح او حدا انجرحت اصبعه شوي اني ما عد نام وخاف من الموت معناة انه انا مخوافي غير عقلانية هاي المخاوف غير العقلانية ما لها مش رياليستك مش واقعية ولا حقيقية اصلا فالانسان لازم يفكر بحالة انه ياتري مخاوفي حقيقية عقلانية طيب شو الادلة عليها شو الادله اذا انا بنتي اذا انجرحت ايديها بدها توصل للموت معلش بناقش حالي بسال حالي صدقني حديث الذات كتير مهم اذا اتفقنا انه موضوع الخوف ما بيكون متعلق بالموقف بيكون متعلق بطريقتنا لنظرتنا الصوره الذهنية اللي عندنا للموقف نحن شو بانين افكار حول هذا الموقف نحن بنرشح العلاج النفسي بنرشح العلاج الغير دوائي لان في علاج دوائي وعلاج نفسي ولكن العلاج الدوائي هو مهدئات لما هو يقوم بالتامرين الي بنحكيلك اياها وحضرتك بتوصليها اكيد ما راح يحتاج للعلاج الدوائي ولكن هذا الانسان كمان بيشتغل علي العلاج الدوائي مهدئ ولكن الاهم العلاج المعرفي السلوكي هوعملية اعادة تعديل الافكار والصورة الذهنية اللي نحن كونها وشكلنها بهايدي الطريقة ممكن نغير نظرتنا للأمور ونغير موقفنا ومشاعرنا تجاه الموقف نفسه بهاي الحاله بدنا نرجع نحن بتفكيرنا طبعا ممكن نطلب من الشخص انه يتجه لمعالج شخصي يساعده فهاي الجلسات الشخص بيتخلص من اضطراب القلق العام بنعود بتفكيرنا لخبراتنا السابقة وبنفكر كيف اتكونت عندنا هاي الصورة الذهنية شو اللي خلانا ناخد هذا الشعور لانن دايما نحن بتحدكنا مشاعرنا وافكارنا تخلينا ناخد مواقف طيب شو اللي بني عندي هاي المشاعر والافكار السلبيه برجع لجدد الشعور برجع للخبرات السابقه وبحاول اني اعرف بداية بداية تفكيري كيف بدأت كيف بدأت ركب افكار سلبية تجاه هذا الموقف وصدقي الفكره اللي انا بدي احكيها انه اثبت العلاج المعرفي السلوكي العلاج المعرفي يعني خلك شويه يعني هي الافكار معارفنا يعني طريقة التفكير والسلوكي هي النتائج اللي هي مخرجات التعديل المعرفي اما انا بغير من افكاري اكيد رح يتغير سلوكي اذا تعديل السلوك عن طريق علاج المعرفي السلوكي الفكره انه نحن اكتر من استراتجيه بنستخدمها غيرنا الافكار حاولنا نرجع لجدر الشعور نعرف شو اللي شكل عندي هاي الندره وهادا الشعور تجاه هذا الموقف وهن تمارين بنعملها نحن تمارين الاسترخاء والتنفس لما كون انا انسان بعمل تمارين الاسترخاء والتنفس بشبع دمي وعقلي اكسجين وهذا الاكسجين كفيل يهدي نبضات القلب وتنفسي ويهدئ مزاجي وحالتي العضوية من جوا وتمارين الرياضة بتفيد كتير لأنه كليتنا بنعرف انه تمارين الرياضة لها اثر نفسي بترفع المزاج والدوبامين بجسمنا واكيد بتخلينا اكتر بحاجة لتنفس فبتخلينا اكتر نشبع جسمنا بالاكسجين ونعبي الرئتين بالاكسجين بهاي الحاله مع عملائي انا كتير بنصح أنه طريقة التفكير تتغير من اكتر الكتب اللي ممكن انصح فيها عملائي هو كتاب قوه الان يعني ملخصه أنه عيش لحظتك وهاي اللحظة خليها اجمل لحظه لان دائما انه قلق من الماضي وقلق من المستقبل ولكن انت لا قادر توصل للماضي ولا قادر انك تقفز للمستقل وتصنع شئ انت بدك اياه انت تماما عالق بهاي اللحظه فخليها تكون اجمل لحظه انت قادر فقط تتعلق باللحظه دائما اللحظه اللي بحكيلك فيها صارت ماضي فكون جميل بهاي اللحظة وخلي افكارك حلوة ۔ " هيفاء حذيفة "

شكرا الكم لحسن استماعكم واهتمامكم انتظرونا الاسبوع القادم بحلقه جديده
لبودكاست صارت معي فيها

هلا لوقتها ضلوا بخير واسمعوا الحلقات السابقه عبر زياره موقعنا أخبار الان في
قسم بودكاست ۔أو من خلال تطبيقات البودكاست المختلفة
مثل أبل بودكاست إذا كنتم حمله ايفون، أو جوجل بودكاست اذا نظام موبيلاتكم
أندرويد أو من خلال ساوندكلاود ، ديزر ، أنغامي ، سبوتيفاي
شاركوني أفكاركم وتعليقاتكم واتواصلوا معي عبر الواتساب
00971568531592
بالإعداد والتقديم برافقكم دايما أنا " مها فطوم " الي اللقاء


قائمة الحلقات

  • كيف يتحمل مضيف الطيران نفسيات الركاب المختلفة؟
    مها فطوم

    كيف يتحمل مضيف الطيران نفسيات الركاب المختلفة؟

    كيف يتحمل مضيف الطيران نفسيات الركاب المختلفة؟ عمار نفاع مضيف طيران سابق بخبرة تزيد عن 11 سنة، يشاركنا في بودكاست صارت معي ضمن سلسلة "خفايا شغل" تفاصيل ومعلومات عن عالم مهنة مضيف الطيران وبعض أسرارها ...

  • القهوة تستحق أن أصبح باريستا لأجلها
    مها فطوم

    القهوة تستحق أن أصبح باريستا لأجلها

    القهوة تستحق أن أصبح باريستا لأجلها الريم الهناوي شابة إماراتية عمرها 23 سنة، توجهت للعمل كباريستا في واحدة من أشهر الكافيهات بالعالم بعد أن قررت عدم متابعة دراستها الجامعية. تشاركنا في بودكاست صارت معي ضمن ...

  • معلومات لا تعرفها عن تغسيل الموتى
    مها فطوم

    معلومات لا تعرفها عن تغسيل الموتى

    معلومات لا تعرفها عن تغسيل الموتى الشيخ أحمد عودة والشيخ حسين سليمان سوريان مقيمان في لبنان، بالإضافة لعملهم الأساسي في التعليم الديني يقدمون خدمة تغسيل الموتى منذ سنوات طويلة ، شاركونا في بودكاست صارت معي ...

  • لماذا لا نحب موظفي الـ HR؟
    مها فطوم

    لماذا لا نحب موظفي الـ HR؟

    لماذا لا نحب موظفي الـ HR؟ ليلاس مكي متخصصة في الموارد البشرية وعلى منصات التواصل الإجتماعي كريمة جداً في نصائحها للباحثين عن عمل والراغبين بتطوير أنفسهم مهنياً، شاركتنا في بودكاست صارت معي ضمن سلسلة "خفايا ...

  • تشويقة: سلسلة "خفايا شغل" - بودكاست صارت معي
    مها فطوم

    تشويقة: سلسلة "خفايا شغل" - بودكاست صارت معي

    "خفايا شغل" سلسلة حلقات في بودكاست صارت معي نستضيف فيها أشخاص من مهن وخدمات مختلفة ليخبرونا أسراراً لا نعرفها كأشخاص خارج مجالهم وكواليس تحصل أثناء ممارسة المهنة بالإضافة إلى مواقف طريفة وغريبة حصلت معهم. إعداد ...

  • كيف نتحرر من القوالب الضيقة التي وضعونا بها؟
    مها فطوم

    كيف نتحرر من القوالب الضيقة التي وضعونا بها؟

    غالية تركي صبية سورية فلسطينية مواليد 1991 مقيمة في الإمارات منذ عامين وتعمل في مجال إدارة المشاريع التسويقية والخدمات الإلكترونية، تشاركنا في بودكاست صارت معي تفاصيل تجربة قاسية وصلت فيها للموت بسبب التنمر وعدم تقبل ...