ريام بداية الفرح وآخر الأحلام

نص الحلقة :

ريم العسساسفة " أم وسام "هي أم لأربع ولاد وبنتين ولادتها الأولي كانت ريام اللي هي بكرها وبداية تجربتها وتحديها ونجاحها ريام إنولدت وهي مصابة بشلل دماغي وهون ما كان قدام أم وسام الا إحتضانها والقتال من أجلها رح تحكيلنا اليوم قصتها القصيرة ۔۔ بصوت " ليلي العوف "

جاتني ريام وأنا لسة صغيرة عمري 18 أو 19 سنه وأول ما اجت ريام فرحت فيها كثير قد الدنيا كلها يعني بدي احكيلك يمكن علي ال 40 يوم عرفت من قرابة من صديقة مقربة الي كانت دارسة علاج طبيعي كانت تدرس لسه هي صارحتني كان كله مخبي عني الا هي لأنه بنتي ما كان ظاهر عليها أي شئ في المستشفي وما حدا قالي وما حدا خبرني فا هي صارحتني قالتلي اسمعي يعني ما بنسهالها ايها قالتلي اسمعي مثل الأم ما حدا بدو في بنته أو ابنه فأنا بصارحك هيك وضع بنتك علي أساس أنتي اللي رح تقومي فيها وأنتي اللي رح تحددي مصيرها وأنتي اللي رح تعرفي مصلحتها حكتلي بنتك عندها نقص أكسجين " شلل دماغي " صار فأنتي بدك تكوني معها خطوة بخطوة ماكنت اعرف شو يعني نقص اكسجين ما كنت اعرف ايش في فا علي السريع أول شئ ما كنت بعرف هاي الأمور رح تؤدي للشلل ويصير أشياء زي هيك كنت خلاص أنه شلل دماغي نقص أكسجين ويعني إشئ بسيط وبيتعالج أخدتها علي عاتقي ما بعرف أنه هاي مرحلة الرفض اللي مرأو فيها أغلب الناس أو الأمهات أنا مريت فيها أول ما عرفت الحالة عادي بنتي أحبها مختلفه نظرتي إلها ما اتغيرت فرحتي بها بالدنيا لا ما اتغيرت بس أخدت علي عاتقي إني رح أكون أحسن أم إلها وهي رح تكون أفضل بنت بالدنيا وحطيت ببالي إني رح أعالجها وإن رح الأمور رح تكون كويسة وأنه ما في أي إشي رح يأثر علي حياتها بعدين مشيت الأمور الحمدلله رب العالمين بلشت فيها من عمر 40 يوم وأنا مراجعات ودكاترة وين أروح فين وين أجي فيها علي ال 4 شهور بالظبط كنت محافظة العاصمة قريبه منها بالزرقاء فأخذتها تتعالج علاج طبيعي أروح علي المركز بنتلاقي كل أربع من محافظة لمحافظة علي أساس أعالجها كل يوم أحد بس كان في الها علاج طبيعي يعني هما علموني شو أعمل في البيت ومشت السنين ومشي العمر وأنا بعالج فيها ۔۔۔۔۔ بصوت " ريم "

هاي الرحلة ما كانت سهلة بالنسبة لأم ريام العلاج الطبيعي المسافات اللي كانت تقطعها والتكلفة المالية ما كانت سهلة أبدا حتي رحلة الدراسة والدمج الطلابي

بصوت " ليلي العوف "

عانيت مع ريام في المسافة العلاج الطبيعي في الروحة والجاية قلة المواصلات قلة الإمكانيات المادية بس كل هاد أعتبرة زي معاناة أي حدا أعاني وأستمر أعاني وأستمر أنا ووالدها كمان اللي ساعدني لازم أذكر جزئية والدها بالحياة هاي يعني سند ريام وسندنا الوالد يعني ما كان عندة نطاق الأب الرافض أو أنه ما بعرف اذا ما بسمع كثير أمهات بيعانوا من الوالد يا حرام أنا بالعكس هو كان أحن مني علي ريام كان كتير متعاون بس اللهم صراحة يعني شغلة العلاج الطبيعي يعالج نروح نرجع يروح معي ويتعب معي لما أعالجها بالبيت تبكي ريام خلاص يقولي تركيها تركيها يعني هاي كمان بعتبرها مش كويسة مع انها كانت حنينه مشيت الأيام مرت الأيام صارت ريام بمرحلة التمهيدي وأنا بنتي لمحت فيها النباهه يعني أنا بنتي ذكية ونبهة مش مثلا أهملتها لهالزمان بتمسك الورقة والقلم أول ما تصحي بتضلها ماسكيتم دق علي الورقة والقلم ما بعرف ليش بس في عندها حب للورقة والقلم بس أنه في عندها حب للورقة والقلم فأصريت أني أعلمها وديت علي التسجيل أول شئ التمهيدي طبعا عملتها كام نسبة الذكاء عندها 90 % بس أنه عمرها العقلي غير متناس مع عمرها البيلوجي او الزمني يعني مثلا يوم كانت 5 سنين لازم تكون 3 سنين عمرها العقلي فهاي الشغلة كنت أعاني فيها فهم ودرس مجتمع كامل أو تربية كاملة أنه مثلا أنه في حالات ايه بس أنه خلاص لازم تمشي مع الفترة الزمنية مع المدارس دخلت اليوم تمهيدي أوديها علي مدرسة خاصه يعني كان مثلا مرات أخوي معلمه هناك تساعدها أختي يعني كلنا نتعاون نوديها ونجيبها طلعت ريام من التمهيدي ولا اشي يعني مثلا مو هداك التعليم بس ايه مندمجه علي الأخر عندها اندماج الحمدلله رب العالمين ومختلطة وبتحب الناس وبتحب الألفه ولحد الأن بتتذكر مثلا ميس فلان وميس فلان جينا صف أول درستها اجيت كنت أنا كثير منفتحة وبحكيلها الميس يا ميس أنا بنت صف أول لا درست أول ثاني ثالث بالصف الثالث لاحظت يعني ريام عندها مش أنه مش ماشيه مع طلاب جيلها حكيتلها أنه تدرس تاني صف أول أعدلها تبلش من الآول لأنه بنتي من هاي من السنه هاي بلشت تمسك الورق مظبوط وبلش عمرها العقلي فحكوا هاي ممنوع في التربية خلاص اللي بيمشي في السنين ما بيصير يرجع مشت ريام في السنين طبعا كله كانت شغله أنه بنت بلد وحدة أنه بيحبوا بنتي بيحبوني هيك مشت الأيام بالصف الثالث أضطريت أنقل لمدرسة تانية أكبر من المدرسة اللي بنتي فيها المرحلة الإبتدائية أول ما راحت جه رفض من المديرة أنه حالة خاصه وأنا عندي صفوف طابق ثاني طايق ثالث ما أقدر ۔۔۔ بصوت " ريم "

وهون طلعت ريام من منطقة الأمان لتروح لمدرسة أكبر وطلاب أكثر وبعد الرفض ما استسلمت أم ريام ما تنازلت عن حق بنتها في التعليم ۔۔۔۔ بصوت " ليلى العوف "

فوت علي مدير التربية والتعليم مباشرة كان سهل الدخول عليه عندنا الحمدلله فحكيتله كلمتين قولتله أنا بدي أسجل بنتي بنتي حالة خاصة وأنا بدي أسجلها بالمدرسة والمدرسة بترفض تسجلها إجه مباشرة رن علي مديرة المدرسة وأنا موجودة عنده حكي بالحرف الواحد مرحبا بحكيلك لو إجاكي 10 حالات خاصة مثل حالة البنت أنتي مجبورة أنك تقبليهم في مدرستك وبتهيئي الظروف في المدرسة للحالة اللي عندك تم والحمدلله رب العالمين شكرا شكرا اتشكرته وحمدت ربنا وطلعت تاني يوم المديرة استقبلتني بصدر رحب وسجلت بنتي والحملله رب تم تنزيل الصف الها مع أنه علي مضض يعني دخلت اليوم المدرسة مع البنات تدرس ريام ما تدرس ريام أنا اللي بعاني ودايما بحكيلها نحن عندنا في دمج في دمج في للإنسان اللي بيطالب طبعا ولو أي إنسان رجع علي بيته هذاك اليوم خلاص خلاص بنتي بتروح عليها لو ما كملت أنا الطريق ورحت طلبتها يمكن خلاص راحت علي بنتي في دمج بس أنا الدمج هذا ما بحبه ما حبيته لأنه دمج مقنع تسمعي في البطالة المقنعه نفس الشئ بيحطوا هالطالب في الصف خلاص هاي قبلوه بأمر من التربية بمحبة من المديرة المهم يعني بأي شكل من الأشكال تم قبول الطفل أو هذا الطالب بيحطوها خلاص منظر فازة في هاي الصف لا إلها دخل لا إلها تشارك لا هم بيشرحولها لا هم بيطلعوها ولا هم بينزلوها ولا أي اشئ فأنا بيتنا يعني كان بيبعد كيلومترات عن المدرسة كان بيجي باص بينقلها باص يوديها الوالد بينزلها الصف بيسهلها بيرجع يروح علي دوامة بيرجع من دوامة بيرجع يروحها كانت معناة معناة يومية الحمدلله علي سعة صدر الوالد الحمدلله علي المحبة والحنان اللي كان في قلبة فكانت بنتي ما تستفيد اشي من الدراسة تروح علي أحاول ادرسها تلقط معي اشي ما تلقط معي اشي احكيلها المعلمات بيقولو شو بدنا نعمل فأكتشفت أنه في مصادر تعلم علي السريع اتوجهت أنه أحط بنتي في غرفة مصادر التعلم قالت الميس أنا كيف بدي آروح اجيبها من الصف وارجعها طيب أنا من الصبح بجيبها بنزلها عندك بدال ما نوديها علي الصف لا هذا مو من حقها أو بتاخد ورقة غيرها قولنا ليس الا مضت ريام هاي السنين وأنا نفس المعناة أن يا جماعة الخير بدنا حدا متخصص لبنتي بدي ناس تفهم بنتي ما كان في فكنا أروح عالبيت أنا اقدر ادرس اللي اقدر طبعا عندي عيله صار عندي أكتر من طفل أدرسها اللي بدرسها اياه وريام هي ماشاء الله عليها محبة ومجتهدة ماسكه القلم والورقة خطها جميل نوعا ما بعدين صار الفيس والتليفونات طبعا أول اشي وفرناه لريام في العيله كلها لأنه بنحب نتواصل بنحب لما تكون بعيده عنا بالمدرسة أنه تطمنا يا ماما خلصت ما خلصت بدي ناس ما بدي ناس فأول ما وفرنا وفرنا لها ما كانت تليفونات الهاي كان تليفون عادي اتطور التليفون الحمدلله صار التليفون كتابة يعني بدي أقولك أنه ريام نفسها اجتهدت علي حالها بنتي وهي درست حالها هي ثقفت حالها علي التليفون ما بيكون أسمي أمها ماشاء الله ابدعت وأوجزت فضلت للصف العاشر في المدارس طبعا كل المدارس نفس الشئ في جزئىة واجهتني بالمدارس كتير عانيت منها بكتشف معلمة مرة تقول ليش ريام ما تقعد بالبيت ريام الصف ضيق تعاني وبفترة مراهقة والبنات وما بعرف شو فكانت هي لحالها خلاص ما طاقت الوضع فخلينا ريام صف عاشر تقريبا درست منزلي دراسة ذاتية ۔۔۔۔۔ بصوت " ريم "

ضلت ريام تدرس بهذا الشكل من جهد شخصي لإشراف والدتها وجهود عائلتها لوصلت المرحلة الحاسمة وهي مرحلة الثانوية العامة ۔۔۔۔ بصوت " ليلى العوف "

اجينا عالمرحلة التوجيهي الحمدلله رب العالمين ريام اجتازت قسمتلها أنا المواد علي فترات لأنه قولت هاي صعوبة بالحفظ صعوبة علشان ريام تواكب الأمور الحمدلله ريام اتقدمت ل 5 مواد نجحت فيهم وعندها عالصيفية هاي باذن الله باقي المواد تكملها اجينا علي فترة الترجيهي أنا ناشطة إجتماعية في حقوق ذوي الإعاقة طبعا أنا بدي أقولك شغلة أنا كتير شغلة بنبسط فيها أشياء كنت أطالبها لبنتي ريام الحمدلله اتحققت اتحققت في ايش أول شئ كنا نطالب ليها في مدرسة للإحتياجات الخاصة يارب يكون في مدرسة يعني أطالب أطالب ونرفع وأشارك في إعتصامات اشي مثل هيك الحمدلله صحيح بنتي اتعدت هاي المرحله بس أنا أم وبنبسط للأجيال الجايه أنه هاي في مدرسة كانت زمان بس علاج طبيعي ووظيفي هلأ لا صفوف تمهيدي أول وثاني بتدرس وبترفع يعني هاي قيمة الشئ اللي بطالب فيه الحمدلله اتحقق وصار ۔۔۔۔ بصوت " ريم "

النشاط المجتمعي لريم ونشاطها بحقوق ذوي الإعاقة خلاها تعرف أكثر علي مبادرات وحراك في هذا المجال من ضمنهم " حملة إبني " وقتها عرفت أنه ممكن يكون لبنتها مرافق وهي بتقدم إمتحانات الثانوية العامه ۔۔۔۔۔ بصوت " ليلى العوف "

اجينا لمرحلة التوجيه زي ما حكينا رجع لها بس في حملة " إبني" في نشاط جمعية فبسمع أنه في شادو مرافق للطالب فحكيت ليش ما أطالب يعني بنتي يكون معها شادو مرافق بإمتحانات التوجيهي بفضل الله قدمت طلبات عالسريع مافي اربع أيام 5 أيام في إعلان نازل علي الصفحات وعلي الصفحه الفيسبوك وعلي صفحة الرئيسية عندنا أنه مطلوب تقديم طلبات مرافقين لذوي الإحتياجات الخاصة في المدارس اللي هو الطلب اللي أنا وبنتي ريام قدمنا فيه الحمدلله تم توظيف 4 علي اسم ريام وطبعا مو بس ريام قدمت علي الثانوية العامه كان في أطفال أو شباب ثاني فبحكي الحمدلله رب العالمين هاي شغله  سعيت فيها أنا وريام حققنا أنا ما بنبسط بس لبنتي بنبسط أنه في ناس كثير ثانية تستفيد واستفادت إن شاء الله وأصلا كمان فتحنا باب وظيفة لناس كانت بحاجه لهاي الوظيفة ۔۔۔۔ بصوت " ريم "

أحلام أم ريام وطموحتها ما بتتحكم وطموحتها ما بتتعلق ببنتها وبس هي قدرت تتبني قضية لزيادة الإهتمام بذري الإعاقة ليقدرا يحصلوا علي حقوقهم ۔۔۔

بصوت "ليلي العوف "

هلأ يعني أنا بشتغل علي صعيد أكبر من ريام كمان بشتغل علي صعيد ذوي الاحتياجات الخاصه ذوي الإعاقة كامله ذوي الإعاقة عندنا يعني بحب كل مطالبهم تتحقق بحب يكون لهم أماكن خاصة يعني أنا وبنتي شو بطالب بطالب أنا كافة يعني انسي عمان عمان يعني بعيدة نروح الها مو شرط كل انسان بدو يعيش حياة صح بده يسكن بالعاصمه يعني محافظتنا كويسه بلدي حلوه أهلي فيها ليش بضطر أروح علي محافظة ثانية مشان أعيش صح فأنا بنتي ريام عندنا مطلب أنه نفتح كافية كبير من ضمنه مكتبه من ضمنه مقهمي من ضمنه قعدات حلوة لمين لذوي الإحتياجات الخاصة هذا حلم ريام حتي هي عندها علي صفحتها كيف شكل مقعد وكيف المقاعد اللي رح تكون هيك اله حضور حلو نفسها ريام يكون عنده هاي الشئ عندها ويكون عندها هاي الفكرة أنه يصير يعني كثير هلا كثير بنتقد أمهات ياريت في مكان التقي فيه ياريت ولادنا في مكان يلتقوا فيه فياريت المطلب أنا وبنتي ريام دايما وبنتمني وعلي الصعيد العلمي بتمني بنتي ان شاء الله تكمل المرحله الجامعية ويعني تكون زي ما بتمني في أماكن مهيئة للحالات الخاصة وجامعتنا بثق فيها ان شاء الله يارب الله يتمم الها علي خير ۔۔۔۔ بصوت " ريم "